Director Shankar Birthday Celebrations : తన మార్క్ డైరెక్షన్లో ఎన్నో సూపర్ హిట్ సినిమాలను ప్రేక్షకుల ముందుకు తెచ్చిన స్టార్ డైరెక్టర్ శంకర్ ఇప్పుడు మరో రెండు భారీ ప్రాజెక్టులను ప్రేక్షకుల ముందుకు తెచ్చేందుకు సిద్ధంగా ఉన్నారు. లోక నాయకుడు కమల్ హాసన్ 'ఇండియన్-2'తో పాటు గ్లోబల్ స్టార్ రామ్ చరణ్తో 'గేమ్ ఛేంజర్' సినిమాలను తెరకెక్కించే పనుల్లో బిజీగా ఉన్నారు. ప్రస్తుతం ఈ రెండు సినిమాలు షూటింగ్ దశలో ఉన్నాయి.
Shankar Birthday Pics :అయితే ఆగస్టు 17 న శంకర్ బర్త్ డే. ఈ సందర్భంగా 'గేమ్ ఛేంజర్' మూవీ టీమ్.. సెట్స్లో శంకర్ పుట్టినరోజు వేడుకలు గ్రాండ్గా చేసింది.ఇందులో భాగంగా రామ్ చరణ్, దిల్ రాజుతో పాటు మూవీ టీమ్ మెంబర్స్ కలిసి పార్టీలో సందడి చేశారు. శంకర్‌తో బర్త్ డే కేక్ కట్‌ చేయించిన దిల్ రాజు.. ఆయనకు కేక్ తినిపించి విషెస్ తెలిపారు. ప్రస్తుతం ఈ ఫొటోలు నెట్టింట ట్రెండ్ అవుతోంది.
Shankar Game Changer Movie : ఇక శంకర్ లైనప్ చూస్తే.. ప్రస్తుతం ఆయన 'గేమ్ ఛేంజర్'తో పాటు 'ఇండియన్ 2' సినిమాలను తెరకెక్కిస్తున్నారు. ఇక గేమ్ ఛేజంర్లో రామ్ చరణ్, కియారా అద్వానీ లీడ్ రోల్స్ పోషిస్తుండగా.. అంజ‌లి, ఎస్‌జే సూర్య, శ్రీకాంత్‌, స‌ముద్రఖని, న‌వీన్ చంద్ర, సునీల్, జ‌య‌రాయ్‌ కీలక పాత్రలు పోషిస్తున్నారు. పొలిటిక‌ల్ థ్రిల్లర్‌ జోనర్‌లో తెరకెక్కుతున్న ఈ సినిమాను శ్రీ వెంక‌టేశ్వర క్రియేష‌న్స్ బ్యాన‌ర్‌పై దిల్ రాజు నిర్మిస్తున్నారు.