ప్రముఖ దర్శకుడు మారుతికి పితృవియోగం

Director Maruti father died: టాలీవుడ్​ ప్రముఖ దర్శకుడు మారుతికి పితృవియోగం కలిగింది. ఆయన తండ్రి కుచలరావు(76) తుదిశ్వాస విడిచారు.

Director Maruti father died: ప్రముఖ దర్శకుడు మారుతి ఇంట్లో విషాదం జరిగింది. ఆయన తండ్రి కుచలరావు(76) కన్నుమూశారు. మచిలీపట్నంలోని తన నివాసంలో కుచలరావు తుదిశ్వాస విడిచినట్లు తెలిసింది. విషయం తెలుసుకున్న పలువురు సినీ ప్రముఖులు, బంధుమిత్రులు మారుతికి ఫోన్​ చేసి సంతాపం తెలుపుతున్నారు. కుచల రావు ఆత్మకు శాంతి చేకూరాలని ప్రార్థిస్తున్నారు.

కాగా, చివరిసారిగా 'మంచి రోజులు వచ్చాయి' సినిమాతో ప్రేక్షకుల ముందుకు వచ్చిన మారుతి.. త్వరలోనే 'పక్కా కమర్షియల్' చిత్రంతో సినీప్రియులను అలరించనున్నారు. త్వరలోనే ప్రభాస్​తో ఓ సినిమా చేయబోతున్నారు. మరి కొద్ది రోజుల్లో అది సెట్స్​పైకి వెళ్లనుంది. ఇక టాలీవుడ్​లో గత రెండు రోజుల వ్యవధిలోనే ఇద్దరు ప్రముఖ వ్యక్తులు కన్నుమూశారు. ప్రముఖ నిర్మాత నారంగ్​, సీనియర్​ దర్శకుడు తాతినేని స్వర్గస్తులు అయ్యారు.

ఇదీ చూడండి: ఆర్జీవీ X నట్టికుమార్​.. 'కోర్టులోనే తేల్చుకుందాం'!