F3 movie ticket price Dilraju: 'ఎఫ్ 3' సినిమా టికెట్ ధరలపై ప్రముఖ నిర్మాత దిల్రాజు స్పందించారు. ధరల పెంపు వల్ల ప్రేక్షకులు థియేటర్‌కు దూరమవుతున్నారని అన్నారు. అందుకే 'ఎఫ్3'కి టికెట్ ధరలు పెంచలేదని తెలిపారు.
"కరోనా తర్వాత పరిశ్రమలో చాలా మార్పులు వచ్చాయి. సినిమాలు ఆగిపోయి బడ్జెట్‌లు పెరిగాయి. ప్రేక్షకులు ఓటీటీలో సినిమాలు చూసేందుకు అలవాటుపడ్డారు. బడ్జెట్ పెరగడం వల్లే 'ఆర్ఆర్ఆర్', 'కేజీఎఫ్2'కు టికెట్ ధరలు పెరిగాయి. ధరల పెంపు వల్ల ప్రేక్షకులు థియేటర్‌కు దూరమవుతున్నారు. టికెట్ ధరలు అందుబాటులో లేక రిపీట్ ఆడియెన్స్ తగ్గిపోయారు. పాత జీవో ప్రకారమే ఎఫ్3కి టికెట్ ఉంచాం. ప్రేక్షకులను థియేటర్‌కు రప్పించాలనే ధరలు తగ్గించాం" అని అన్నారు.