Dhanush The Grey Man update: తమిళ స్టార్ హీరో ధనుష్ వరుసపెట్టి సినిమాలు చేస్తూ జోరు మీద ఉన్నారు. తమిళ చిత్రాల్లోనే కాదు.. టాలీవుడ్‌, బాలీవుడ్‌, హాలీవుడ్ అంటూ దూసుకెళ్తున్నారు. ఇప్పుడాయన నటిస్తున్న తొలి హాలీవుడ్ మూవీ 'ది గ్రే మ్యాన్'. రుసో బ్రదర్స్ దర్శకత్వం వహిస్తున్నారు. తాజాగా ఈ మూవీటీమ్ ఒక్క రోజు గ్యాప్లోనే ఫ్యాన్స్కు రెండు సర్ప్రైజలు ఇచ్చింది. ఇండియాకు దర్శకులు రుసో బ్రదర్స్ వస్తున్నట్లు తెలిపిన చిత్రబృందం.. మంగళవారం సినిమాలోని ధనుష్కు సంబంధించిన ఓ స్పెషల్ వీడియోను రిలీజ్ చేసింది. దీనిని ధనుష్ సోషల్మీడియాలో పోస్ట్ చేయగా.. అది వైరల్గా మారింది. 56 సెకన్ల నిడివి ఉన్న ఈ వీడియోలో ఆయన అదిరిపోయే యాక్షన్ సీన్లో కనిపించారు. ఇద్దరు హాలీవుడ్ యాక్టర్స్తో ఫైట్ చేస్తూ కనిపించారు.
సోమవారం రిలీజ్ చేసిన వీడియోలో దర్శకులు రుసోబ్రదర్స్ భారత్కు వస్తున్నట్లు తెలపడంతో పాటు.. ధనుష్.. ఈ చిత్ర అనుభవాలను తెలిపారు. ఇందులో భాగస్వామ్యం అవ్వడంపై హర్షం వ్యక్తం చేసిన ఆయన.. ఎలాంటి అంశాలతో ఈ ప్రాజెక్ట్ రూపొందనుందో తెలిపారు. "ది గ్రే మ్యాన్ ఓ రోలర్‌కోస్టర్‌ వంటి చిత్రం. యాక్షన్, డ్రామా, క్రేజీ స్టంట్స్‌ ఇలాంటి ఎన్నో అంశాలు ఈ సినిమాలో ఉన్నాయి. అద్భుతమైన వ్యక్తులతో కలిసి పనిచేసినందుకు, ఈ సినిమాలో నేనూ కూడా భాగమైనందుకు ఆనందంగా ఉంది. ఈ సినిమా షూట్‌ అత్యద్భుతంగా సాగింది. మీ అందరికీ ఈ సినిమా నచ్చుతుందని భావిస్తున్న" అని ధనుష్ వివరించారు.