దిల్లీ మహిళా కమిషన్ చీఫ్ స్వాతి మలివాల్కు అత్యాచార బెదిరింపులు వస్తున్నాయి. సామాజిక మాధ్యమాల వేదికగా ఇలాంటి మెసేజ్లు వస్తున్నాయని స్వాతి మలివాల్ పేర్కొన్నారు. ఈ మేరకు తన ఇన్స్టా మెసెజ్ల స్క్రీన్ షాట్లను షేర్ చేశారు. "మేము చేసే పని ఆపడానికే.. వారు ఇలా చేస్తున్నారు. ఎఫ్ఐఆర్ నమోదు చేయమని దిల్లీ పోలీసులకు ఫిర్యాదు చేస్తున్నాను. దర్యాప్తు చేసి దీని వెనుక ఎవరున్నారో వారిని అరెస్ట్ చేయాలని కోరబోతున్నా" అని స్వాతి ట్వీట్ చేశారు.
అయితే ఆమె బిగ్బాస్16 కంటెస్టెంట్ సాజిద్ ఖాన్పై.. మీటూ ఉద్యమంలో భాగంగా తమను లైంగికంగా వేధించాడని కొందరు మహిళలు ఆరోపణలు చేశారు. దీంతో అతడిని వెంటనే ఆ షో నుంచి బయటకు పంపించాలని దిల్లీ మహిళా కమిషన్ చీఫ్ స్వాతి మలివాల్ సమాచార, ప్రసార మంత్రిత్వ శాఖకు బుధవారం లేఖ రాశారు. ఆమె సాజిద్ ఖాన్పై ఘాటు వ్యాఖ్యలు చేశారు. ప్రైమ్ టైమ్లో వచ్చే బిగ్బాస్ షోలో సాజిద్ ఖాన్ లాంటి 'లైంగిక వేటగాడు' సరైంది కాదు అని రాసుకొచ్చారు. దీంతో ఆమెను రేప్ చేస్తామంటూ పలువురు దుండగులు సోషల్ మీడియా వేదికగా మెసేజ్లు చేస్తున్నారు.