Custody Movie Trailer : అక్కినేని యంగ్ హీరో నాగచైతన్య.. నటించిన కొత్త చిత్రం 'కస్టడీ'. ఇందులో చైతూ ఓ కానిస్టేబుల్ పాత్రలో నటిస్తున్నారు. తాజాగా ఈ సినిమా ట్రైలర్ను విడుదల చేసింది చిత్ర బృందం. అభిమానులు ఊహించినట్లే ఈ కస్టడీ ట్రైలర్ అదిరిపోయేలా ఉంది. ఇప్పటికే విడుదలైన ఫస్ట్ లుక్, గ్లింప్స్, టీజర్ ఎంతగానే ఆకట్టుకున్నాయి. ఇప్పుడు వాటికి మించేలా ట్రైలర్ను బాగా రెడీ చేశారు మేకర్స్. ఈ ప్రచార చిత్రం.. సినిమాపై అంచనాలను పెంచుతోంది. 2.25 నిమిషాల పాటు ఉన్న ఈ ప్రచార చిత్రంలో చైతూ ఇంటెన్స్ లుక్లో కనిపించి.. పవర్ ఫుల్ డైలాగ్స్తో అదరగొట్టారు.
పవర్‌ఫుల్‌గా నాగ చైతన్య 'కస్టడీ' ట్రైలర్.. మీరు చూశారా?
Custody Movie Trailer : యువ కథానాయకుడు అక్కినేని నాగచైతన్య నటించిన 'కస్టడీ' సినిమా ట్రైలర్ విడుదలయ్యింది. ఈ ప్రచార చిత్రం ఆద్యంతం ఆకట్టుకుంటోంది. మీరు కూడా చూసేయండి.
custody movie trailer telugu
హీరో నాగ చైతన్య.. శివ అనే కానిస్టేబుల్ పాత్రలో నంటించాడు. తన ఇంటెన్స్ పెర్ఫామెన్స్‌తో ఆకట్టుకున్నాడు. చైతూ సరసన రేవతి పాత్రలో కృతి శెట్టి ఆడిపాడింది. ఈ సినిమాలో కృతి శెట్టికి మంచి స్కోప్ ఉన్న పాత్ర చేసినట్లు కనిపిస్తోంది. శివ పనిచేస్తున్న పోలీస్ స్టేషన్‌ లాకప్‌లో ఉన్న క్రిమినల్ అరవింద్ స్వామిని.. కోర్టులో హాజరుపరచడానికి అతడు తీవ్రంగా ప్రయత్నిస్తున్నట్లు ట్రైలర్‌లో తెలుస్తోంది. ఈ క్రమంలో కానిస్టేబుల్ శివ ఎలాంటి అడ్డంకులు ఎదుర్కొన్నాడు? వాటిని ఎలా అధిగమించాడు? చివరకు అరవింద్ స్వామిని కోర్టులో హాజరుపరిచాడా? లేదా అన్నది సినిమా కథాంశం. ఈ చిత్రంలో సీనియర్ హీరోయిన్ ప్రియమణి కూడా పవర్ ఫుల్ పాత్రలో నటించించారు. 'న్యాయం పక్కన నిలబడి చూడు.. నీ లైఫే మారిపోతుంది', 'నిజం గెలవడానికి లేట్ అవుతుంది. కానీ కచ్చితంగా గెలుస్తుంది' అనే పవర్ఫుల్ డైలాగులతో నాగ చైతన్య ఆకట్టుకున్నారు.
ఇక కస్టడీ సినిమా విషయానికొస్తే.. శరత్ కుమార్లు విలన్స్గా కనిపించారు. 'థ్యాంక్యూ' సినిమా బాక్సాఫీస్ వద్ద బోల్తా కొట్టిన తర్వాత చైతూ కూడా ఈ మూవీపైనే భారీ ఆశలు పెట్టుకున్నాడు. అలాగే వరుస పరాజయాలను అందుకుంటున్న కృతి కూడా ఈ చిత్రంపైనే ఆశలు పెట్టుకుంది. ఈ చిత్రానికి 'మ్యూజిక్ మ్యాస్ట్రో' ఇళయరాజా, ఆయన తనయుడు యువన్ శంకర్ రాజా స్వరాలు సమకూర్చారు. నాగ చైతన్య డైలాగ్స్కు ఈ మ్యూజికే ప్రాణం పోసిందని చెప్పాలి. స్క్రీన్పై కనిపించే ప్రతి సన్నివేశాన్ని.. ఈ మ్యూజికే హైలైట్ చేసింది. ఆడియెన్స్లో గూస్బంప్స్ తెప్పించింది. మొత్తంగా ఈ ట్రైలర్ చిత్రం అక్కినేని అభిమానులకు తెగ ఆకట్టుకుంటుంది.
Last Updated : May 5, 2023, 5:37 PM IST