SARKARU VAARI PAATA MURARI VAA SONG: సూపర్స్టార్ మహేశ్ బాబు, పరశురాం కాంబోలో వచ్చిన 'సర్కారు వారి పాట' బ్లాక్బస్టర్ టాక్తో థియేటర్లలో దూసుకెళ్తోంది. మహేశ్ మాస్ యాంగిల్, లవ్ ట్రాక్, సోషల్ మెసేజ్.. ఇలా అన్ని అంశాల మేళవింపుతో వచ్చిన ఈ చిత్రం విశేష ఆదరణ పొందుతోంది. ఇప్పటికే రూ.200 కోట్లకు పైగా కలెక్షన్లు రాబట్టింది. ఈ నేపథ్యంలో చిత్ర బృందం సరికొత్త అప్డేట్ ఇచ్చింది. సినిమాకు కొత్తగా మరో పాటను జత చేసినట్లు ప్రకటించింది. 'మురారి వా' అంటూ సాగే ఈ పాటను సినిమాకు జోడించినట్లు స్పష్టం చేసింది.
MAJOR JANA GANA MANA: మేజర్ ఉన్నికృష్ణన్ జీవిత కథ ఆధారంగా తెరకెక్కిన చిత్రం 'మేజర్'. అడవి శేషు లీడ్ రోల్ పోషించారు. జూన్ 3న దేశవ్యాప్తంగా థియేటర్లలో విడుదల కానుందీ చిత్రం. ఇప్పటికే కొన్ని ప్రాంతాల్లో ప్రీ-రిలీజ్ అయిన ఈ చిత్రం మంచి టాక్ సంపాదించుకుంది. దీంతో సినిమాపై అంచనాలు మరింత పెరిగిపోయాయి. ఈ సందర్భంగా చిత్రంలోని జనగణమన వీడియో సాంగ్ను గురువారం ఉదయం 10.08 గంటలకు విడుదల చేయనున్నట్లు మేకర్స్ ప్రకటించారు. ఈ మేజర్ ఏంథమ్ స్ఫూర్తిదాయకంగా ఉంటుందని తెలిపారు.