క్రిస్మస్ వేడుకల్లో భాగంగా ప్రతి ఏడాది మాదిరిగానే ఈ సంవత్సరం కూడా తన కుటుంబ సభ్యులందరికీ మెగా పవర్‌స్టార్‌ రామ్‌చరణ్‌-ఉపాసన స్పెషల్‌ పార్టీ ఏర్పాటు చేశారు. మంగళవారం సాయంత్రం హైదరాబాద్‌లోని చరణ్‌ నివాసంలో జరిగిన ఈ వేడుకల్లో మెగా కజిన్స్‌ అల్లు అర్జున్‌ - స్నేహా దంపతులు, వరుణ్‌ తేజ్‌, సాయిధరమ్‌ తేజ్‌, వైష్ణవ్‌ తేజ్‌, నిహారిక, శిరీష్‌, సుస్మితా, శ్రీజ తదితరులు పాల్గొన్నారు.
మెగా ఫ్యామిలీలో సెలబ్రేషన్స్.. స్టార్స్ అంతా ఒకే ఫ్రేమ్లో.. ఫ్యాన్స్ ఫుల్ ఖుషీ!
మెగా ఫ్యామిలీలో సెలబ్రేషన్స్ షురూ అయ్యాయి. క్రిస్మస్, న్యూ ఇయర్‌ వేడుకలను పురస్కరించుకుని రామ్‌చరణ్‌ ఇంట వేడుకలు జరిగాయి.
Etv Bharat
సరదా మాటలు, గేమ్స్‌తో ఎంజాయ్‌ చేశారు. సీక్రెట్‌ శాంతా గేమ్‌లో భాగంగా పరస్పరం బహుమతులు ఇచ్చిపుచ్చుకున్నారు. ఈ వేడుకలకు సంబంధించిన ఓ ఫొటోని ఉపాసన ఇన్‌స్టాలో షేర్‌ చేశారు. స్టార్స్‌తో నిండిపోయిన ఈ ఫొటో ప్రస్తుతం నెట్టింట తెగ చక్కర్లు కొడుతోంది. దీనిని చూసిన ప్రతిఒక్కరూ.. 'కడుపు నిండిపోయింది', 'రెండు కళ్లూ చాలడం లేదు' అంటూ తమ ఆనందాన్ని తెలుపుతున్నారు. ఉపాసన తల్లికానున్న తరుణంలో మెగా కుటుంబానికి ఈ ఏడాది వేడుకలు మరింత స్పెషల్‌గా మారాయి.