Chiranjeevi Sankranthi Family Photo : ఏ పండగ వచ్చినా మెగాస్టార్ చిరంజీవి కుటుంబమంతా గెట్‌ టు గెదర్‌ అవుతారన్న సంగతి తెలిసిందే. గతేడాది మెగా వారసురాలు క్లీంకార జన్మించడం, వరుణ్‌ తేజ్‌-లావణ్యల పెళ్లి జరగడంతో ఈ సంక్రాంతి ఆ కుటుంబానికి మరింత ప్రత్యేకంగా నిలిచింది. ఈ నేపథ్యంలో ఒక్క ఫొటోతో మెగా అభిమానుల్లో ఫుల్ జోష్‌ నింపారు చిరంజీవి.
నాలుగు రోజుల నుంచి సంక్రాంతి సంబరాలు మెగాస్టార్ ఇంట ఘనంగా జరుగుతున్నాయి. చిరంజీవి - అల్లు అరవింద్‌ ఫ్యామిలీ మెంబర్స్ అందరూ బెంగళూరులోని రామ్‌ చరణ్‌ ఫామ్‌హౌస్‌కు చేరుకొని అక్కడే వేడుకను గ్రాండ్గా చేసుకుంటున్నారు. ఈ నేపథ్యంలో సంక్రాంతి శుభాకాంక్షలు చెబుతూ చిరు నేడు(జనవరి 15) ఓ ఫొటోను షేర్ చేశారు. "పాడి పంటల,భోగ భాగ్యాల ఈ సంక్రాంతి ప్రతి ఇంటా ఆనందాల పంటలు పండించాలని ఆశిస్తూ అందరికీ సంక్రాంతి శుభాకాంక్షలు!" అని చిరు రాసుకొచ్చారు. ఇందులో మెగా కుటుంబంతో పాటు అల్లు ఫ్యామిలీకి చెందిన అందరూ ఉండడంతో నెటిజన్ల, అభిమానుల ఆనందం అంబరాన్నంటింది.
ఈ పిక్లో ప్రతిఒక్కరూ రెడ్‌ అండ్ వైట్‌ కలర్‌ డ్రెస్‌లు ధరించారు. ప్రస్తుతం ఈ ఫొటో ప్రస్తుతం సోషల్‌ మీడియాలో ఫుల్ వైరల్‌ అవుతోంది. ఇందులో అకీర స్పెషల్ ఎట్రాక్షన్‌గా నిలిచాడంటూ కొందరు నెట్టింట్లో కామెంట్స్ చేస్తున్నారు. పవన్ కల్యాణ్ కూడా ఉండుంటే ఫ్రేమ్ పర్‌ఫెక్ట్‌ అయ్యేదంటూ మరికొందరు వారి అభిప్రాయాన్ని వ్యక్తం చేశారు.