Chiranjeevi Happy Birthday : మెగాస్టార్ చిరంజీవి పుట్టినరోజు నేడు. ఈ సందర్భంగా ఫ్యాన్స్, సినీ రాజకీయ ప్రముఖుల ప్రతిఒక్కరూ బర్త్ డే విషెస్ చెబుతున్నారు. అభిమానులైతే కేక్లు కట్ చేసి సంబరాలు చేసుకుంటున్నారు. అలాగే చిరు కొత్త చిత్రాలకు సంబంధించిన అనౌన్స్మెంట్స్ కూడా వస్తున్నాయి. 'భోళా శంకర్' వంటి డిజాస్టర్ తర్వాత చిరు నటించే సినిమాలు కావడం అభిమానులు ఆసక్తితో పాటు కాస్త టెన్షన్గా కూడా ఉన్నారు. ఈ సారి ఎలాంటి కథతో వస్తారు? ఆ చిత్రాలు ఎవరు డైరెక్ట్ చేసారనే ఆసక్తి కూడా భారీగానే ఉంది.
Mega 156 Movie : మెగాస్టార్ బర్త్ డే గిఫ్ట్గా మెగా 156 సినిమాను అఫీషియల్గా అనౌన్స్మెంట్ చేసిన సంగతి తెలిసిందే. చిరు కూతురు సుస్మిత కొణిదల... గోల్డ్ బాక్స్ ఎంటర్టైన్మెంట్ బ్యానర్పై ఈ చిత్రాన్ని నిర్మిస్తున్నారు. ఇందులో చిరు లుక్, పోస్టర్ డిజైనింగ్ అంతా బాగుంది. కానీ ఈ సినిమా డైరెక్టర్ ఎవరా క్లారిటీ ఇవ్వలేదు.
Kalyan Krishna Chiranjeevi : అంతకుముందు బంగార్రాజు ఫేమ్ కళ్యాణ్ కృష్ణ ఈ చిత్రానికి దర్శకత్వం వహిస్తారని ప్రచారం సాగింది. అందరూ ఈయనే అని గట్టిగా ఫిక్స్ అయిపోయారు. కానీ ఇప్పుడు మాత్రం అఫీషియల్ అనౌన్స్మెంట్లో డైరెక్టర్ నేమ్ను రివీల్ చేయలేదు. దీంతో ఈ కొత్త కన్ఫ్యూషన్ ఏంటని నెటిజన్లు, అభిమానులు మాట్లాడుకుంటున్నారు. భోళాశంకర్ భారీగా డిజాస్టర్ అందుకోవడం వల్ల చిరు ఆచితూచి అడుగులు వేస్తున్నారని అంటున్నారు. అందుకే డైరెక్టర్ విషయంలో కాస్త జాగ్రత్త పాటిస్తారని చెబుతున్నారు. ఏదేమైనప్పటికీ ఇప్పుడీ సినిమాకు దర్శకుడు కళ్యాణ్ కృష్ణ కాదా అనేది సందేహం నెలకొంది.