Chiranjeevi Salman Khan: మెగాస్టార్ చిరంజీవి హీరోగా మోహన్ రాజా దర్శకత్వంలో తెరకెక్కుతున్న చిత్రం 'గాడ్ ఫాదర్'. ఈ చిత్రంలో బాలీవుడ్ సూపర్స్టార్ సల్మాన్ ఖాన్ కీలక పాత్రలో నటిస్తున్నారు. తాజాగా, చిరంజీవి, సల్మాన్ ఖాన్పై వచ్చే ఓ గీతాన్ని దర్శకుడు మోహన్ రాజా తెరకెక్కిస్తున్నారు. దీనికి సంబంధించిన అప్డేట్ను చిరంజీవి సోషల్ మీడియాలో షేర్ చేశారు.
భాయ్తో (సల్మాన్ ఖాన్) కాలు కదిపానని, ప్రభుదేవా అద్భుతంగా నృత్యరీతులు సమకూర్చారని చిరంజీవి పేర్కొన్నారు. ఈ పాట కచ్చితంగా కన్నులపండుగలా ఉంటుందని హామీ ఇచ్చారు. ఈ అప్డేట్తో మెగా అభిమానులు తెగ సంబరపడిపోతున్నారు. చిరు, సల్మాన్ డ్యాన్స్తో థియేటర్ దద్దరిల్లిపోద్దని కామెంట్లు పెడుతున్నారు. 'గాడ్ ఫాదర్' చిత్రంలో చిరంజీవి సరసన నయనతార కథానాయికగా నటిస్తున్నారు. తమన్ బాణీలు అందిస్తున్నారు.