హీరో కాక ముందు చిరు నటించిన సీరియల్​ తెలుసా

Chiranjeevi acted serial దాదాపు 150 సినిమాల్లో నటించిన మెగాస్టార్​ కెరీర్​ ప్రారంభంలో ఓ సీరియల్​లో నటించారని తెలుసా. అదేంటంటే.

Chiranjeevi acted serial ఎటువంటి సినిమా బ్యాక్​గ్రౌండ్​ లేకుండా చిత్రసీమలో అడుగుపెట్టి.. స్వయంకృషితో ఎదిగి మెగాస్టార్​గా గుర్తింపు తెచ్చుకున్న హీరో చిరంజీవి. ఎక్కడో మారుమూల గ్రామంలో పుట్టి.. చలన చిత్ర పరిశ్రమలో తనకంటూ ఓ పేజీని లిఖించుకున్నారు. తనకు వచ్చిన ప్రతి అవకాశాన్ని సద్వినియోగం చేసుకుంటూ ఒకొక్క మెట్టు ఎక్కుతూ మెగాస్టార్​గా ఎదిగారు. డ్యాన్స్​లు, ఫైట్స్ అంటూ ప్రేక్షకులకు కొత్త హీరోయిజాన్ని పరిచయం చేశారు. కొత్త తరం నటీనటులకు ఆదర్శప్రాయంగా నిలుస్తూ వస్తున్న ఆయన.. ఇప్పటికీ యువ హీరోలకు దీటుగా ఇంకా చిత్రాలను కొనసాగిస్తున్నారు.

తన 40 ఏళ్ల సినిమా కెరీర్​లో చిరంజీవి ఎన్నో రికార్డులను సృష్టించారు. నటుడిగానే కాకుండా ఎన్నో సేవా కార్యక్రమాలు చేస్తూ ఎందరికో అండగా నిలుస్తున్నారు. అయితే చిరు వెండితెర అరంగేట్రం చేయకముందు.. చెన్నైలో నటనకు సంబంధించిన కోర్సును చేశారు. కెరీర్ మొదట్లో చిన్న పాత్రలు.. విలన్ పాత్రలను కూడా పోషించారు. మొత్తంగా ఇప్పటికవరకు 150కి పైగా చిత్రాలలో హీరోగా నటించి ప్రేక్షకులను ఎంతగానో ఆకట్టుకున్నారు.

అయితే ఇప్పటి వరకు మెగాస్టార్ చిరంజీవి సినిమాల్లో హీరోగా నటించారని మాత్రమే అందరికీ తెలుసు. 'మీలో ఎవరు కోటీశ్వరు షో'కు హోస్ట్​గా బుల్లితెరపై సందడి చేసిన చిరు.. ఓ సీరియల్​లో నటించారని చాలా తక్కువ మందికి మాత్రమే తెలుసు! బాలీవుడ్​లోని రజిని అనే హిందీ సీరియల్​లో చిరంజీవి నటించి స్మాల్​స్క్రీన్​ ప్రేక్షకులకు కనువిందు చేశారట. అయితే అది గెస్ట్ అప్పియరెన్స్ పాత్రలో కనిపించారట. అది కూడా కేవలం ఒక్క ఎపిసోడ్​లో మాత్రమే. ఆ తర్వాత చిరంజీవి పలు చిత్రాల్లో వరసగా అవకాశం రావడం వల్ల సినిమాలపై పూర్తి దృష్టి సారించారు.

ఇదీచూడండి: మెగాస్టార్​ రాజసం రూ.150కోట్ల బంగ్లా, ప్రైవేట్​ జెట్, మొత్తం ఆస్తి విలువ ఎంతంటే​