Character Artist Pragathi National Championship : టాలీవుడ్ చిత్రాల్లో తల్లి, వదిన వంటి పాత్రలు పోషిస్తూ నటి ప్రగతి మంచి గుర్తింపు తెచ్చుకున్నారు. సినిమాలే కాకుండా ప్రగతి.. సోషల్ మీడియాలోనూ యాక్టివ్గా ఉంటారు. తరచూ తన ఫిట్‌నెస్‌కు సంబంధించిన వీడియోలు, ఫొటోలు అభిమానులతో షేర్ చేసుకుంటూ ఉంటారు. అయితే తాజాగా ఆమె నేషనల్ పవర్‌ లిఫ్టింగ్ ఛాంపియన్‌షిప్‌లో సత్తా చాటారు. మూడో ప్లేస్లో నిలిచి కాంస్య పతకం సాధించారు సాధించారు. ఈ మేరకు ఆమె సోషల్ మీడియా వేదికగా తెలియజేశారు.
తాజాగా బెంగళూరు వేదికగా 28వ పురుషులు, మహిళల నేషనల్ లెవెల్ 'బెంచ్‌ ప్రెస్‌ ఛాంపియన్ షిప్‌' పోటీలు జరిగాయి. ఈ పోటీల్లో పాల్గొన్న నటి ప్రగతి.. మూడో స్థానంలో నిలిచి అందరినీ ఆశ్చర్యానికి గురచేశారు. బెంగళూరులోని ఇంజనీర్స్‌ అసోసియేషన్‌ ఆడిటోరియంలో ఈ పోటీలు జరిగాయి. ఎంతో మంది పవర్‌ లిఫ్టర్లతో పోటీ పడి మరీ ప్రగతి ఈ మెడల్ను సాధించారు. ఈ విషయాన్ని తెలుపుతూ ఆమె ఒక ఎమోషనల్ పోస్ట్ పెట్టారు. 'నా జీవితం చెడు నిర్ణయాలు, హార్ట్ బ్రేక్స్, డెడ్ ఎండ్స్తో నిండి ఉంది. కానీ, ఇలాంటివి కూడా నాకు ఉత్సాహాన్నిస్తాయి. ఎన్ని కష్టాలు వచ్చినా పోరాడాలన్నది జీవితానికి విజయ మంత్రం' అని భావోద్వేగంగా రాసుకొచ్చారు. అయితే ప్రగతి ఈ మెడల్ గెలవడం పట్ల.. సినీ పరిశ్రమకు చెందిన వారు, అభిమానులు ఆమెను అభినందిస్తున్నారు.