Chandramukhi 2 Twitter Review : కొరియోగ్రాఫర్ రాఘవ లారెన్స్, బాలీవుడ్ నటి కంగనా రనౌత్ లీడ్ రోల్స్లో తెరకెక్కిన లేటెస్ట్ మూవీ 'చంద్రముఖి-2'. ప్రముఖ దర్శకుడు పి. వాసు తెరకెక్కించిన చంద్రముఖి-1కు సీక్వెల్గా ఈ సినిమా తెరకెక్కింది. ఈ చిత్రంలో లారెన్స్.. వెట్టయాన్ రాజా పాత్రలో మెరవగా.. చంద్రముఖిగా కంగనా ప్రేక్షకుల ముందుకొచ్చింది. లైకా ప్రొడక్షన్ బ్యానర్పై నిర్మాత సుభాస్కరణ్ ఈ చిత్రాన్ని రూపొందించారు. భారీ అంచనాల నడుమ ఈ సినిమా గురువారం(సెప్టెంబర్ 28) గ్రాండ్గా థియేటర్లలో విడులైంది. ఇక ఇప్పటికే ప్రీమియర్స్ చూసిన ఆడియెన్స్.. సినిమా గురించి తమ అభిప్రాయాలను సోషల్ మీడియాలో తెలియజేస్తున్నారు. ఇంతకీ ఈ 'చంద్రముఖి-2' ఎలా ఉందంటే..
ఫస్ట్ షో చూసిన కొందరు సినిమా డీసెంట్గా ఉందని ఆడియెన్స్ కితాబిస్తున్నారు. హర్రర్ సీన్స్, సెకండ్ హాఫ్ బాగుందని, ముఖ్యంగా నటి కంగనా రనౌత్ పర్ఫార్మెన్స్ అదిరిపోయిందని ఓ నెటిజన్ ట్విట్టర్లో రాసుకొచ్చారు. సినిమా చూసిన మరో నెటిజన్.. ఫస్ట్ హాఫ్ చాలా ఎంటర్టైనింగ్గా ఉందని.. కమెడియన్ వడివేలు నటనతో నవ్వులు పూయించారన్నారు.
అయితే సినిమాలో లారెన్స్ పాత్ర కంటే బాలీవుడ్ బ్యూటీ కంగనా గురించే నెట్టింట టాక్ నడుస్తోంది. ఈమె స్క్రీన్ ప్రెజన్స్ బాగుందని.. సినిమాకు ఆమె నటన ప్లస్ పాయింట్ అని టాక్ వినిపిస్తోంది. అంతేకాకుండా ఈ సినిమాతో.. సౌత్ ఇండస్ట్రీలో కంగనా గ్రాండ్గా రీ ఎంట్రీ ఇచ్చారని మరికొందరు అంటున్నారు.