Chandramukhi 2 Opening Day Collections : సూపర్ స్టార్ రజనీకాంత్‌ - పి.వాసు కాంబోలో వచ్చిన చంద్రముఖి అప్పట్లో తమిళ, తెలుగు భాషల్లో ఎంతటి ఘన విజయాన్ని సాధించిందో సినీ ప్రియులకు తెలిసిన విషయమే. ఇప్పుడీ చిత్రానికి సీక్వెల్‌గా వచ్చిన చంద్రముఖి 2 సెప్టెంబర్ 28న (Chandramukhi 2 Movie Review) థియేటర్లలో రిలీజైంది. అయితే ఈ సారి ప్రధాన తారాగణం మారిపోయింది. రజనీ కాంత్ స్థానంలో రాఘవ లారెన్స్ హీరోగా కనిపించారు. చంద్రముఖి పాత్రను కంగనా రనౌత్ పోషించింది. అయితే ఈ చిత్రం మిక్స్డ్ టాక్ తెచ్చుకుంది. అయినప్పటికీ సోషల్ మీడియాలో ఈ సినిమా తెగ ట్రెండ్ అవుతోంది.
ఈ చిత్రానికి తొలి రోజు కలెక్షన్స్ వివరాలు కూడా బయటకు వచ్చాయి. డిసెంట్ ఓపెనింగ్స్ అందుకున్నట్లు ట్రేడ్ వర్గాలు తెలిపాయి. తమిళంలో ఈ చిత్రానికి 51.90 ఆక్యూపెన్సీ దక్కగా.. తెలుగు, హిందీలో 42.65, 12.77 ఆక్యూపెన్సీ నమోదైనట్లు పేర్కొన్నాయి. తొలి రోజు అన్ని భాషల్లో కలిపి రూ.7.5కోట్ల ఓపెనింగ్స్ వచ్చినట్లు ట్రేడ్ వర్గాలు సోషల్ మీడియాలో ట్వీట్లు పెడుతున్నాయి. ముఖ్యంగా తమిళనాడులో ఓపెనింగ్స్ ఎక్స్లెంట్గా ఉన్నాయంటూ ప్రముఖ సినీ విశ్లేషకుడు రమేశ్ బాలా కూడా ట్విట్టర్లో పోస్ట్ చేశారు. ఫ్యామిలీ ఆడియెన్స్ ఈ సినిమాను చూసేందుకు ఎక్కువగా ప్రాధాన్యత ఇస్తున్నారని చెప్పారు.