Ramcharan With BSF Soldiers: మెగా పవర్ స్టార్ రామ్చరణ్- దర్శకుడు శంకర్ కాంబోలో తెరకెక్కుతున్న RC 15 ప్రాజెక్టు.. ప్రస్తుతం పంజాబ్లో చిత్రీకరణ జరుపుకుంటోంది. ఈ నేపథ్యంలో చెర్రీ.. అమృత్సర్లోని ఖాసా ప్రాంతాన్ని సందర్శించారు. అక్కడ ఉన్న బీఎస్ఎఫ్ క్యాంపుకు వెళ్లి సైనికులతో భోజనం చేసి కాసేపు గడిపారు. చెర్రీ.. తన చెఫ్ను హైదరాబాద్ నుంచి రప్పించి సైనికుల కోసం ప్రత్యేక వంటకాలు వండించారు. ఇందుకు సంబంధించిన ఫోటోలు సోషల్ మీడియాలో వైరల్గా మారాయి. అంతకుమందు రామ్చరణ్ సతీమణి ఉపాసన.. అమృత్సర్లోని గోల్డెన్ టెంపుల్కు వెళ్లి ప్రత్యేక పూజలు జరిపారు.
Sharukh Khan New Movie With Rajkumar Hirani: హీరో షారుక్ ఖాన్ స్పీడ్‌ పెంచారు. ఇప్పటికే సిద్ధార్థ్ ఆనంద్‌ దర్శకత్వంలో హీరోగా నటిస్తున్న 'పఠాన్' చిత్రం షూటింగ్ తుదిదశకు చేరుకుంది. అదేవిధంగా అట్లీ దర్శకత్వంలో షారుక్ చేస్తున్న సినిమా కూడా ప్యాచ్‌వర్క్‌ మినహా పూర్తయింది. ఈ రెండు సినిమాల పోస్ట్‌ ప్రొడక్షన్‌ వర్క్స్‌ జరుగుతున్నాయి. అయితే తాజాగా బాలీవుడ్ దర్శకుడు రాజ్కుమార్ హిరానీ.. షారుక్‌ఖాన్‌ హీరోగా 'డంకి' పేరుతో సినిమా తెరకిక్కస్తున్నట్లు ప్రకటించారు. ఈ సినిమా షూటింగ్ ఒక షెడ్యూల్ కూడా పూర్తయిందని తెలిపారు మేకర్స్. తరువాత షెడ్యూల్ పంజాబ్లో, ఆ తర్వాత విదేశీ లొకేషన్స్‌లో చిత్రీకరణ ఉంటుందని చెప్పారు. అక్రమంగా పాస్‌పోర్టులు పొంది విదేశాల్లో చదువుకోవాలనుకునే వారి నేపథ్యంలో ఈ సినిమా కథనం ఉంటుందని బీ టౌన్‌ టాక్‌. ఈ చిత్రంలో తాప్సీ హీరోయిన్. 2023 డిసెంబరు 23న క్రిస్మస్ కానుకగా ఈ మూవీ విడుదల కానుంది. వీరిద్దరి కాంబోలో ఇదే మొదటి చిత్రం. మున్నాభాయ్‌ ఎంబీబీఎస్, 3 ఇడియట్స్, పీకే వంటి బ్లాక్బస్టర్ చిత్రాలను తెరకెక్కించారు హిరానీ.