మరో మల్టీస్టారర్ చిత్రానికి సిద్ధమయ్యారు హీరో రామ్ పోతినేని. మాస్ డైరెక్టర్ బోయపాటితో ఆయన చేయబోయే సినిమా మల్టీస్టారర్ అని సమాచారం. ఇందులో రామ్తో పాటు తమిళ హీరో శివ కార్తికేయన్ కూడా నటించనున్నట్లు సమాచారం. మరో విశేషం ఏంటంటే.. ఎమోషనల్ యాక్షన్ ఎంటర్టైనర్గా తెరకెక్కనున్న ఈ సినిమాను పాన్ఇండియా స్థాయిలో తీర్చిదిద్దుతున్నట్లు తెలుస్తోంది. ఈ చిత్రానికి సంబంధించిన మరిన్ని వివరాలు తెలియాల్సి ఉంది. 'అఖండ'తో మాంచి జోష్లో ఉన్న బోయపాటి.. రామ్కు భారీ విజయాన్ని అందిస్తాడేమో చూడాలి.
'పుష్ప-2'లో సేతిపతి!: దేశవ్యాప్తంగా సినీ అభిమానులు ఎంతో ఆసక్తిగా ఎదురుచూస్తున్న చిత్రం 'పుష్ప-2'. సుకుమార్ దర్శకత్వంలో ఐకాన్ స్టార్ అల్లు అర్జున్ నటించిన ఈ సినిమా మొదటి భాగం ఘన విజయాన్ని అందుకుంది. దీంతో రెండో భాగంపై భారీ అంచనాలున్నాయి. అందుకు తగ్గట్లే కథాకథనాల్లో సుకుమార్ పలు మార్పులు చేస్తున్నట్లు సమాచారం.