బాలీవుడ్ నటుడు రణ్బీర్ కపూర్.. వరుస సినిమాలతో దూసుకెళ్తున్నారు. తన కొత్త చిత్రం తూ ఝూతి మైన్ మక్కార్ సినిమా ప్రమోషన్స్లో బిజీబిజీగా గడుపుతున్నారు. తాజాగా ఆ సినిమా ప్రమోషన్స్లో భాగంగా రణ్బీర్.. టీమ్ఇండియా మాజీ దిగ్గజం సౌరభ్ గంగూలీని కలిశారు. ఆ సమయంలో వారిద్దరూ కలిపి సరదాగా కాసేపు క్రికెట్ ఆడారు. అందుకు సంబంధించిన చిత్రాలు.. సోషల్మీడియాలో వైరల్గా మారాయి.
గంగూలీ బయోపిక్లో రణ్బీర్ కపూర్?.. ఇదిగో క్లారిటీ!
టీమ్ఇండియా మాజీ క్రికెటర్ సౌరభ్ గంగూలీ బయోపిక్లో బాలీవుడ్ స్టార్ హీరో రణ్బీర్ కపూర్ నటిస్తున్నారంటూ మరోసారి వార్తలు గుప్పుమన్నాయి. దీనిపై తాజాగా రణ్బీర్ క్లారిటీ ఇచ్చారు. ఏమన్నారంటే?
Etv Bharat
దీంతో నెటిజన్లు.. గంగూలీ బయోపిక్పై గుసగుసలు మొదలుపెట్టారు. గంగూలీ బయోపిక్లో రణబీర్ నటిస్తున్నారంటూ మాట్లాడుకున్నారు. వాటిని గమనించిన రణబీర్.. గంగూలీ బయోపిక్లో తన పాత్ర గురించి క్లారిటీ ఇచ్చారు. "సౌరభ్ గంగూలీని లివింగ్ లెజెండ్గా నేను భావిస్తున్నాను. అలాంటి వ్యక్తి బయోపిక్ చాలా స్పెషల్గా ఉంటుంది. గంగూలీ బయోపిక్కు సంబంధించి నాకు ఎలాంటి ఆఫర్ రాలేదు. లవ్ ఫిల్మ్స్ నిర్మాణ సంస్థ.. గంగూలీ బయోపిక్పై వర్క్ చేస్తున్నారని తెలిసింది. అయితే నేను ప్రముఖ లెజెండరీ గాయకుడు, నటుడు కిషోర్ కుమార్ బయోపిక్లో నటించబోతున్నాను. గత 11 ఏళ్లుగా కిషోర్ కుమార్ బయోపిక్పై పనిచేస్తున్నాను" అని రణ్బీర్ తెలిపారు.
ప్రస్తుతం తన తదుపరి చిత్రం తూ ఝూతి మైన్ మక్కార్ ప్రమోషన్స్లో రణ్బీర్ బిజీగా గడుపుతున్నారు. ఈ మూవీలో తొలిసారిగా ఆయన శ్రద్దాకపూర్తో జతకట్టనున్నారు. దీంతో వీరిద్దరి మ్యాజికల్ కెమిస్ట్రీని తెరపై చూడాలని ప్రేక్షకులు ఎదురుచూస్తున్నారు.
Last Updated : Feb 27, 2023, 4:12 PM IST