Bigg Boss Maanas Marriage : బిగ్బాస్ ఫేమ్ బుల్లితెర నటుడు మానస్ పెళ్లి వేడుకలు గ్రాండ్గా జరిగాయి. చెన్నైకు చెందిన శ్రీజ అనే యువతితో వివాహ బంధంలోకి అడుగుపెట్టారు. విజయవాడలోని మురళీ రిసార్ట్స్‌ వేదికగా బుధవారం రాత్రి జరిగిన ఈ వేడుకలో సన్నిహితులు, కుటుంబసభ్యులు, టెలివిజన్‌, సినీ పరిశ్రమకు చెందిన పలువురు స్టార్స్ పాల్గొన్నారు. వారందరూ నూతన వధూవరులను ఆశీర్వదించి సందడి చేశారు.ఇటీవలే జరిగిన హల్డీ వేడుకలు కూడా సోషల్ మీడియాలో స్పెషల్ అట్రాక్షన్గా నిలిచాయి. ప్రస్తుతం దీనికి సంబంధించిన పలు ఫొటోలు నెట్టింట తెగ వైరల్‌ అవుతున్నాయి. వీటిని చూసిన ఫ్యాన్స్.. కొత్త జంటకు శుభాకాంక్షలు తెలుపుతున్నారు.
Maanas Movies And Serials List :మానస్ అసలు పేరు సాయి రోహిత్‌. చైల్డ్‌ ఆర్టిస్ట్గా ఎన్నో సినిమాల్లో మానస్ కనిపించాడు. 'కోయిలమ్మ' అనే సీరియల్ ద్వారా క్రేజ్ సంపాదించుకున్న మానస్.. బుల్లితెర ప్రేక్షకులకు స్టార్ అయిపోయాడు. ఇక వరుస సీరియల్స్తో పాటు టీవీ షోస్లో సందడి చేశాడు. 2021లో ప్రసారమైన 'బిగ్ బాస్ సీజన్ 5' కంటెస్టెంట్‌ వెళ్లిన మాసన్.. తన ఆటతీరుతో ప్రేక్షకులను ఆక్టటుకున్నాడు. ఫైనలిస్ట్‌గా కూడా నిలిచాడు. ఒత్తిడిలోనూ ఏమాత్రం కంట్రోల్ తప్పకుండా చక్కగా ఆడి అందరి దృష్టిని తనవైపుకు తిప్పుకున్నాడు.