Bhola Shankar Break Even Target: టాలీవుడ్ మెగాస్టార్ చిరంజీవి త్వరలో 'భోళాశంకర్' సినిమాతో ప్రేక్షకుల ముందుకు రానున్నారు. మెహర్ రమేశ్ దర్శకత్వంలో తెరకెక్కిన ఈ సినిమా ఆగ‌స్ట్ 11న ప్రపంచవ్యాప్తంగా రిలీజ్ కానుంది. త‌మిళ స్టార్ హీరో అజిత్ నటించిన సూపర్ హిట్ మూవీ 'వేదాళం'కు రీమేక్‌గా 'భోళాశంకర్' తెర‌కెక్కుతోంది.
అయితే సిస్టర్ సెంటిమెంట్తో రూపొందిన ఈ సినిమా ఇప్పటికే వ‌ర‌ల్డ్ వైడ్‌గా రూ.80 కోట్లకు మేర ప్రీ రిలీజ్ బిజినెస్ చేసిన‌ట్లు సమాచారం. నైజాంలో సుమారు రూ.22 కోట్ల వ‌ర‌కు ఈ మూవీ థియేట్రిక‌ల్ బిజినెస్ జ‌రిగిన‌ట్లు ట్రేడ్ వ‌ర్గాల టాక్. ఉత్త‌రాంధ్ర‌లో రూ.10 కోట్లు, సీడెడ్‌లో రూ.12 కోట్లుకు మేర థియేట్రిక‌ల్ రైట్స్ అమ్ముడుపోయిన‌ట్లు సమాచారం.
ఓవర్సీస్లో చిరుకు ఉన్న క్రేజ్తో అక్కడ ఈ సినిమాకు రూ.7 కోట్ల వ‌ర‌కు బిజినెస్ వచ్చినట్లు తెలిస్తోంది. రెండు తెలుగు రాష్ట్రాల్లో సుమారు రూ.70 కోట్ల వ‌ర‌కు 'భోళాశంకర్' ప్రీ రిలీజ్ బిజినెస్ జ‌రిగిందట. ఇక వ‌ర‌ల్డ్ వైడ్‌గా రూ. 82 కోట్ల బ్రేక్ ఈవెన్ టార్గెట్‌తో 'భోళాశంకర్' రిలీజ్ అవుతున్నట్లు తెలిసింది.
Bhola Shankar Pre Release Business : చిరంజీవి గ‌త సినిమా 'వాల్తేర్ వీర‌య్య' రూ.90 కోట్లు, 'ఆచార్య' రూ.95 కోట్ల వ‌ర‌కు ప్రీ రిలీజ్ బిజినెస్ జరిగింది. మరోవైపు చిరు సెకండ్ ఇన్నింగ్స్‌లో 'సైరా న‌ర‌సింహారెడ్డి' థియేట్రిక‌ల్ రైట్స్ అత్య‌ధికంగా 180 కోట్లకు అమ్ముడుపోయాయి. అయితే వాటితో పోలిస్తే 'భోళాశంకర్' సినిమా ప్రీ రిలీజ్ బిజినెస్ త‌క్కువ కావ‌డం గ‌మ‌నార్హం. చిరంజీవి సెకండ్ ఇన్నింగ్స్‌లో అతి త‌క్కువ బ్రేక్ ఈవెన్ టార్గెట్‌తో 'భోళాశంకర్' మూవీ రిలీజ్ అవుతోంది. అయితే రీమేక్ మూవీ కావ‌డమే ప్రీ రిలీజ్ బిజినెస్ త‌గ్గ‌డానికి కార‌ణ‌మ‌ని సమాచారం.