Bhagwant Kesari Balakrishna : వయసకు తగ్గ పాత్రలు చెయ్యాల్సిన సమయం వచ్చేసిందని మన టాలీవుడ్ సూపర్ సీనియర్ హీరోలకు కూడా అర్థమైపోయింది! యంగ్ హీరోయిన్లతో డ్యాన్స్లు, రొమాన్స్లు.. పక్కన పెట్టి కథా బలమున్న సినిమాల్లోనే నటించేందుకు గ్రీన్ సిగ్నల్ ఇచ్చేస్తున్నారు. రీసెంట్గా చిరంజీవి 'భోళా శంకర్' సినిమాకు ఫ్లాప్ టాక్ రావడంతో ఈ చర్చ కూడా మరింత ఎక్కువ అయిపోయింది.
ఇతర ఇండస్ట్రీలో నుంచి రీసెంట్గా విడుద‌లై బాక్సాఫీస్ వ‌ద్ద బ్లాక్ బ‌స్ట‌ర్లుగా నిలిచిన సినిమాలు కమల్ హాసన్ 'విక్ర‌మ్‌', ర‌జ‌నీకాంత్ 'జైలర్', షారుక్ ఖాన్ 'జ‌వాన్‌' ఇప్పటికే ఈ విష‌యాన్ని నిరూపించాయి. కమల్ హాసన్ 'విక్ర‌మ్‌' సినిమాలో తన వయసుకు తగ్గ పాత్ర‌లో.. కొడుకును హ‌త్య చేసిన వారిపై పగ‌తీర్చుకునే తండ్రిగా, ప్ర‌త్య‌ర్థుల నుంచి మ‌న‌వ‌డిని కాపాడుకునే తాత‌య్య‌గా కనిపించి ఆకట్టుకున్నారు. ఆయన లుక్, నటన తీరు ప్రేక్ష‌కుల్ని విశేషంగా ఆకట్టుకుంది. ఈ సినిమా బాక్సాఫీస్ వ‌ద్ద బ్లాక్ బ‌స్ట‌ర్ హిట్‌ అందుకోవడంతో మ‌ళ్లీ సక్సెస్ ట్రాక్‌లోకి వెళ్లిపోయారు కమల్ హాసన్.
సూపర్ స్టార్ ర‌జ‌నీకాంత్ కూడా ఇదే ట్రై చేసి విజయాన్ని అందుకున్నారు. ఆయన గ‌త కొంత కాలంగా తన మార్క్ స‌క్సెస్‌ను సొంతం చేసుకోలేక‌పోయారు. అయితే ఆ లోటును 'జైలర్' సినిమాతో తీర్చుకున్నారు. అప్పటి వరకు హీరోయిన్లతో రొమాన్స్ చేసిన రజనీ.. జైలర్లో మాత్రం వయసుకు తగ్గ పాత్ర‌లో తండ్రిగా, తాత‌గా కనిపించి ఆకట్టుకున్నారు. ఈ చిత్రం బాక్సాఫీస్ వ‌ద్ద కాసులు వ‌ర్షం కురిపించింది.
ఇప్పుడు ఇదే పంథాని టాలీవుడ్ అగ్ర క‌థానాయ‌కుడు నందమూరి బాలకృష్ణ కూడా ఫాలో అవుతున్నారు. తెలుగు సీనియర్ హీరోల్లో ఈ విషయంలో బాలయ్య ముందడుగు వేశార‌ని చెప్పాలి! ఆయన నటించిన తాజా చిత్రం 'భగవంత్ కేసరి'. అనిల్ రావిపూడి రూపొందించిన ఈ మూవీలో బాలయ్య తన వయసుకు తగ్గ పాత్ర‌లో కనిపించారు. యంగ్ హీరోయిన్ శ్రీ‌లీల‌కు బాబాయ్‌గా కనిపించి ఆకట్టుకున్నారు. రీసెంట్గా రిలీజైన టీజ‌ర్‌, ట్రైలర్ చూస్తే ఈ విషయం అర్థమవుతోంది.
బాధ్యత గ‌ల తండ్రిగా, తన కూతురును వ్య‌వ‌స్థ‌లో ధైర్యంగా నిల‌బ‌డాల‌ని త‌పించే చిచ్చాగా బాలయ్య పాత్ర ఆకట్టుకుంది. హీరోయిన్లతో రొమాన్స్ వంటి సీన్లు ఏమీ లేవని తెలుస్తోంది. ఇప్పుడీ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. అక్టోబర్ 19న ప్రేక్షకుల ముందుకు రానుందీ సినిమా. రానున్న బాబీ డెరెక్షన్ సినిమాలోనూ బాలయ్య తన వయసుకు తగ్గ పాత్రలోనే కనిపించనున్నారట. ఇక వెంకటేశ్ కూడా సైంధవ్లో తన వయసకు తగ్గ పాత్రలోనే కనిపించారని అర్థమవుతోంది. చిరు కూడా.. భోళాశంకర్తో విమర్శలు అందుకున్న తర్వాత ఇప్పుడు బింబిసార ఫేమ్ వశిష్ఠతో చేయబోయే సోషియో ఫాంటసీ సినిమాలో వయసుకు తగ్గ పాత్రలోనే నటించనున్నారట. ఇక నా సామి రంగ చిత్రంతో నాగార్జున మాస్గా కనిపిస్తున్నారు. మరి ఇందులో ఆయన పాత్ర ఎలా ఉంటుందో క్లారిటీ లేదు.
శ్రీలీలతో బాలయ్య అలా.. 'గ్రౌండ్ ఫ్లోర్ బలిసిందా డాడీ' అంటూ మోక్షజ్ఞ మాస్ వార్నింగ్
Bhagavanth kesari trailer : స్టేజ్పైనే శ్రీలీల కన్నీరు.. లైఫ్లో మిస్సైన అనుభూతిని బాలయ్యే ఇచ్చారంటూ!
