ఆయన పేరే అభిమానులకు స్లోగన్‌. ఆయన తొడగొడితే సినిమా పక్కా 'పైసా వసూల్‌’. 'సాహసమే జీవితం' అని భావించే ఆయనకు 'ఆత్మబలం' ఎక్కువ. 'సింహా' పేరంటే ఆయనకు మక్కువ. ఆ 'నిప్పులాంటి మనిషి' ఇంకెవ్వరు?.. ఆయనే నందమూరి బాలకృష్ణ. ప్రస్తుతం టాలీవుడ్లో చేతినిండా సినిమాలో నటసింహం బిజీగా ఉన్నారు. యంగ్ హీరోలకు ఏమాత్రం తగ్గకుండా జోరు చూపిస్తున్నారు. అఖండ, వీరసింహారెడ్డి విజయాల జోష్తో భగవంత్ కేసరిలో నటిస్తున్నారు. తాజాగా మరో కొత్త సినిమా కూడా ప్రకటించారు.
అయితే అఖండ, వీరసింహారెడ్డి, భగవంత్ కేసరి.. ఈ మూడు సినిమాల్లో రెండు కామన్ పాయింట్లు ఉన్నాయి. అఖండ, వీరసింహా రెడ్డిలో బాలయ్య తన వయసుకు తగ్గ మేనరిజమ్తో కనిపించారు. మరి భగవంత్ కేసరిలో కూడా సేమ్ అదే మేనరిజమ్తో కనిపించనున్నారు. మరోవైపు, ఈ మూడు చిత్రాలకు సంగీత దర్శకుడు తమన్ మ్యూజిక్ అందించడం విశేషం. అఖండ, వీరసింహారెడ్డి సినిమాల్లో తమన్ మ్యూజిక్ కీలక పాత్ర పోషించింది. ఇప్పుడు తాజాగా విడుదలైన 'భగవంత్ కేసరి' టీజర్ చూస్తే.. ఈ సినిమాలోనూ పవర్పుల్ ప్యాకేజ్తో కూడిన మ్యూజిక్ ఉన్నట్లు తెలుస్తోంది. ఏజ్కు తగ్గ బాలయ్య పాత్రలు.. తమన్ మ్యూజికే నటసింహం సినిమాల సక్సెస్ సీక్రెట్ అని నెటిజన్లు అంటున్నారు.
బాలకృష్ణ - తమన్ కాంబినేషన్..
డిక్టేటర్ సినిమా కోసం బాలయ్యతో తమన్ కలిసి పని చేశారు. ఆ తర్వాత బాలకృష్ణ చివరి రెండు సినిమాలకు కూడా తమన్నే మ్యూజిక్ అందించారు. ఈ రెండు సినిమాలు కూడా బాక్సాఫీస్ వద్ద మంచి విజయాన్ని అందుకున్నాయి. దీంతో బాలకృష్ణ వరుసగా తమన్కు మూడో సినిమాలో అవకాశం ఇచ్చారు. రెండు వరుస హిట్లతో జోరుమీదున్న బాలయ్య 'భగవంత్ కేసరి'తో హ్యాట్రిక్ కొట్టేందుకు చూస్తున్నారు.
వీరసింహారెడ్డి సినిమాకు తమన్ అందించిన మ్యూజిక్ థియేటర్లలో ఫ్యాన్స్కు పూనకాలు తెప్పించింది. ఇక అఖండ సినిమాకు కొన్ని థియేటర్లలో సౌండ్ స్పీకర్లు సైతం బద్దలు అయ్యాయి. ఈ సినిమాకు మ్యూజిక్ అందించడం కోసం తమన్ ఎంత కష్టపడ్డారో.. అప్పట్లో పలు ఇంటర్వ్యూల్లో చెప్పారు. అయితే బాలయ్య తదుపరి చిత్రం 'ఎన్బీకే 109'కు కూడా మ్యూజిక్ డైరెక్టర్ తమనే అని సమాచారం. ఆ తర్వాత బాలకృష్ణ - బోయపాటి శ్రీను కాంబినేషన్లో రానున్న చిత్రానికి సైతం తమనే సంగీతం అందించనున్నారని తెలుస్తోంది. ఈ క్రమంలో బాలకృష్ణ - తమన్ కాంబినేషన్ ఇండస్ట్రీలో హాట్ టాపిక్గా మారింది.
ఎన్బీకే 109 వివరాలు..
నటసింహం బాలకృష్ణ వచ్చే ఏడాది కూడా వరుస సినిమాలతో బిజీగా ఉండనున్నట్లు తెలుస్తోంది. ప్రస్తుతం అనిల్ రావిపూడి దర్శకత్వంలో 'భగవంత్ కేసరి' షూటింగ్లో ఉన్న ఆయన.. శనివారం ఎన్బీకే 109 సినిమాకు కొబ్బరికాయ కొట్టి, పూజా కార్యక్రమాలు నిర్వహించారు. చిత్రయూనిట్ 'ఎన్బీకే 109'కు సంబంధించి కాన్సెప్ట్ పోస్టర్ను విడుదల చేసింది. ఈ పోస్టర్ను చూస్తుంటే బాలయ్య - బాబీ కాంబినేషన్లో మరో యాక్షన్ ఎంటర్టైనర్ ఖాయమని అనిపిస్తోంది. కత్తులు, గొడ్డలి, ఆల్కహాల్తో కూడిన ఓ బాక్స్ ఈ పోస్టర్లో కనిపిస్తుంది. త్వరలోనే ఈ సినిమా రెగ్యులర్ షూటింగ్ ప్రారంభం కానుంది.
