గోవాలో వచ్చే నెల 20 నుంచి 28 వరకు జరగనున్న 53వ ఇంటర్నేషనల్‌ ఫిల్మ్‌ ఫెస్టివల్‌ ఆఫ్‌ ఇండియా(ఇఫి)లో మెయిన్‌ స్ట్రీమ్‌ సినిమా సెక్షన్‌లో తెలుగునుంచి రాజమౌళి దర్శకత్వంలో ఎన్టీఆర్‌, రామ్‌చరణ్‌ ప్రధాన పాత్రల్లో వచ్చిన 'ఆర్ఆర్ఆర్', బాలకృష్ణ కథానాయకుడిగా బోయపాటి శీను దర్శకత్వంలో వచ్చిన 'అఖండ'లు ప్రదర్శితం కానున్నాయి. ఇవి కాకుండా ఇందులో ప్రదర్శన కోసం 25 ఫీచర్‌ ఫిల్మ్స్‌, 20 నాన్‌ ఫీచర్‌ ఫిల్మ్స్‌ ఎంపికయ్యాయి.
ఈ విభాగంలో తెలుగునుంచి ఎంపికైన వాటిలో కండ్రేగుల ప్రవీణ్‌ దర్శకత్వంలో వచ్చిన సినిమా బండి, విద్యాసాగర్‌ రాజు దర్శకత్వంలో రూపుదిద్దుకున్న ఖుధిరాంబోస్‌ సినిమాలు ఉన్నాయి. మేజర్‌ హిందీ చిత్రం కూడా ఈ విభాగంలో ఎంపిక అయింది. నాన్‌ ఫీచర్‌ ఫిల్మ్‌ విభాగంలో తెలుగునుంచి ఒక్కటీ ఎంపిక కాలేదు.