జేమ్స్‌ కామెరూన్‌ అద్భుత సృష్టి అవతార్. ఈ సినిమా సీక్వెల్‌గా అవతార్-2 ది వే ఆఫ్‌ వాటర్‌ తెరకెక్కిన విషయం తెలిసిందే. దాదాపు 13 సంవత్సరాల తర్వాత వస్తున్న ఈ సీక్వెల్‌ కోసం ప్రపంచవ్యాప్తంగా ఉన్న సినీ ప్రియులు ఆసక్తిగా ఎదురు చూస్తున్నారు. డిసెంబర్‌ 16న ఈ చిత్రం విడుదలవ్వనుంది. అయితే ఈ సినిమా రిలీజ్‌కు ముందే బిజినెస్ వరంగా వండర్స్ క్రియేట్‌ చేస్తున్న సంగతి తెలిసిందే.
తెలుగు రాష్ట్రాల్లోనూ ఫస్ట్ వీకెండ్కు సంబంధించిన టికెట్స్ ఇప్పటికే అమ్ముడుపోయాయి. ఫ్యాన్స్ కూడా రిలీజ్ రోజు ఎప్పుడెప్పుడు వస్తుందా అని తెగ వెయిట్ చేస్తున్నారు. ఈ క్రమంలోనే ఓ ఇంట్రెస్టింగ్ న్యూస్ వైరల్గా మారింది. అదేంటంటే.. 'అవతార్ 2' తెలుగు వెర్షన్ కోసం స్టార్ డైరెక్టర్ కమ్ యాక్టర్ అవసరాల శ్రీనివాస్ పనిచేశారని అంటున్నారు. తెలుగు డైలాగ్స్ అన్ని ఆయనే రాశారని సోషల్మీడియాలో ప్రచారం సాగుతోంది.