Ashok Selvan Marriage Photos :కోలీవుడ్హీరో అశోక్ సెల్వన్ ఓ ఇంటివాడయ్యాడు. బుధవారం ఉదయం తన ప్రియురాలు, నటి కీర్తి పాండియన్ మెడలో మూడుముళ్లు వేసి వివాహబంధంలోకి అడుగుపెట్టారు. ఈ హీరో. తమిళనాడులోని ఓ ఆలయంలో ఈ వివాహం జరిగింది. పెళ్లికి కొద్దిమంది సన్నిహితులు మాత్రమే హాజరయ్యారు. తాజాగా ఈ ఫొటోలను అశోక్ సెల్వన్ తన ఫ్యాన్స్ కోసం ఇన్‌స్టాగ్రామ్ వేదికగా షేర్ చేశారు. ఇక ఈ ఫొటోలను చూసిన నెటిజన్లు సోషల్ మీడియా వేదికగా ఈ కొత్త జంటకు విషెస్ చెబుతున్నారు.
తమిళంలో మంచి గుర్తింపు ఉన్న ఈ స్టార్ హీరో తెలుగులో పలు సినిమాల్లో కనిపించి అలరించారు. 'నిన్నిలా నిన్నిలా' అనే తెలుగు సినిమాతో టాలీవుడ్ ప్రేక్షకులను పలకరించారు. ఆ తర్వాత విశ్వక్ సేన్ హీరోగా వచ్చిన 'అశోకవనంలో అర్జున కళ్యాణం' సినిమాలోనూ అశోక్ సెల్వన్ కనిపించారు. ఇక విశ్వక్ నటించిన ఓరి దేవుడా సినిమా ఒరిజినల్ వెర్షన్లో హీరో ఈయనే. 'పిజ్జా 2', 'భద్రమ్‌' లాంటి డబ్బింగ్‌ సినిమాల్లోనూ అశోక్ సెల్వన్ కనిపించారు. ఇటీవలే 'పోర్‌ తొళిల్‌' అనే థ్రిల్లర్‌ సినిమాతో ఓ సూపర్‌ హిట్ను తన ఖాతాలోకి వేసుకున్నారు.
Ashok Selvan Wife Keerthi Pandian : ఇక కీర్తి పాండియన్ తమిళ బిగ్‌బాస్‌ సీజన్‌1లో కంటెస్టెంట్గా కనిపించి సందడి చేశారు. అంతే కాకుండా ఈమె కోలీవుడ్ నటి రమ్య పాండియన్కు కజిన్ అవుతారట. దీంతో రమ్య కూడా తన చెల్లెలికి ఇన్స్టా వేదికగా కంగ్రాజ్యూలేషన్స్ చెప్పారు.'ప్రియమైన కన్మనికి హ్యాపీ మ్యారీడ్‌ లైఫ్‌.. ప్రియాతి ప్రియమైన అల్లుడు.. మా కుటుంబంలోకి స్వాగతం' అని రమ్య కొత్త దంపతుల గురించి రాసుకొచ్చారు.