Anushka Naveen Polishetty : నవీన్​ పొలిశెట్టికి అనుష్క ప్రాంక్ కాల్​.. ఓ రేంజ్​లో ఆటాడేసుకుందిగా!.. మీరు విన్నారా?

Anushka Naveen Polishetty : హీరోయిన్​ అనుష్క శెట్టి.. హీరో నవీన్​ పొలిశెట్టికి ప్రాంక్​ కాల్​ చేసి ఆటపట్టించింది. ఓ రేంజ్​లో ఆటాడేసుకుంది. ఆ వీడియో ప్రస్తుతం నెట్టింట్లో వైరల్​గా మారింది. ఇంతకీ ఫోన్​ కాల్​లో అనుష్క-నవీన్​ ఏం మాట్లాడుకున్నారంటే?

Anushka Naveen Polishetty : టాలీవుడ్‌లో సీనియర్ హీరోయిన్ అనుష్కశెట్టి, యువ హీరో నవీన్ పొలిశెట్టి కలిసి నటిస్తున్న రొమాంటిక్ లవ్ ఎంటర్​టైనర్​ మూవీ 'మిస్ శెట్టి మిస్టర్ పొలిశెట్టి'. అనుష్కశెట్టి చెఫ్‌గా, నవీన్ పొలిశెట్టి స్టాండప్ కమెడియన్‌గా ఈ చిత్రంలో కనిపించనున్నారు. సెప్టెంబర్ 7న సినిమా రిలీజ్ కానుంది. విడుదల తేదీ దగ్గర పడటం వల్ల ప్రమోషన్స్ జరుగుతున్నాయి.

Anushka Shetty Prank Call To Naveen Polishetty : అయితే హీరో నవీన్ పొలిశెట్టి ప్రమోషన్స్​లో భాగంగా ఓ టీవీ ఛానెల్‌కు ఇంటర్వ్యూ ఇచ్చారు. అలాగే అక్కడే ఫోన్​ కాల్​ ద్వారా సినీ ప్రియులతో ముచ్చటించారు. ఈ సమయంలోనే అనుష్క శెట్టి ఓ ప్రాంక్ కాల్ చేసి నవీన్ పోలిశెట్టిని ఆటపట్టించింది. తాను బెంగళూరు నుంచి కాల్ చేస్తున్నానంటూ చెప్పి... 'మీరు మంచి స్టాండప్ కమెడియన్ కదా. మా ఇంటిలో ఫంక్షన్ ఉంది. ఆ ఫంక్షన్‌లో మీరు కామెడీ చేయాలి. మీరు మా ఫంక్షన్‌లో కామెడీ చేస్తారా?' అంటూ నవీన్ పోలిశెట్టిని అనుష్క శెట్టి అడిగింది.

అనుష్క అడిగిన ప్రశ్నకు నవీన్ పొలిశెట్టి బదులిస్తూ.. 'ఫంక్షన్ ఎక్కడ? బెంగళూరులోనా? ఏం ఫంక్షన్ అది' అని తిరిగి అడిగారు. 'మా సిస్టర్​ బ్రదర్​ అంకుల్​ వాళ్ల కూతురు పెళ్లి ఉంది' అంటూ అనుష్క ఫన్నీగా సమాధానం చెప్పింది. అంతేకాకుండా 'మీరు పెళ్లికి సంబంధం లేకుండా కామెడీ చేయాలి అంటూ అనుష్క నవ్వులు పూయించింది. అందుకు నవీన్​.. 'ఇంతకు మీ పేరు చెప్పండి' అంటూ అడగడం.. అందుకు అనుష్క 'నా పేరు ఎందుకులే 'అంటూ దాటవేసే ప్రయత్నం చేయడం అంతా ఫన్నీ ఫన్నీగా సంభాషణ సాగింది.

Miss Shetty Mr Polishetty Release Date : అప్పుడు అనుష్క.. బెంగళూరులో ఫంక్షన్​ సెప్టెంబర్ 7వ తేదీన జరుగుతుంది అని చెప్పగా.. ఆ రోజు మా సినిమా రిలీజ్ కూడా ఉందండి అంటూ నవీన్ పొలిశెట్టి చెబుతూ.. అనుష్క వాయిస్​ను గుర్తుపట్టేశారు. మీరు మరోసారి మాట్లాడండి.. మీ పేరు ఏమిటి ఏంటి అని మళ్లీ నవీన్ అనడం.. నా పేరు ఎందుకులే అంటూ అనుష్క ప్రశ్నలను దాటవేస్తుండటం.. ఫైనల్​గా 'నేను మిమ్మల్ని గుర్తుపట్టాను. 18 ఇయర్స్ ఇండస్ట్రీ' అంటూ అనుష్కను గుర్తుపట్టడం జరిగింది. మొత్తంగా ఈ సంభాషణను సరదాగా ముగించారు. దీనికి సంబంధించిన కాల్​ వీడియో.. యూట్యూబ్​లో ట్రెండ్ అవుతోంది. ఇకపోతే దాదాపు ఐదేళ్ల తర్వాత అనుష్క శెట్టి మళ్లీ ఈ 'మిస్ శెట్టి మిస్టర్ పొలిశెట్టి' సినిమాతో వస్తున్నారు. బాహుబలి తర్వాత భాగమతి, నిశ్శబ్దం సినిమాలు ఫ్లాప్ అయ్యాయి. ఇప్పుడీ సినిమాపై ఆమె ఆశలు పెట్టుకున్నారు. ఈ చిత్రంతో అభిమానుల ముందుకు రావడం ఆనందంగా ఉందని అనుష్క చెప్పారు. ఈ సినిమా అద్భుతంగా ఉంటుందని ఆశాభావం వ్యక్తం చేశారు.