Animal Movie Promotions : బాలీవుడ్ స్టార్ హీరో రణ్బీర్ కపూర్ - నేషనల్ క్రష్ రష్మిక మందన్నా లీడ్ రోల్స్లో తెరకెక్కిన తాజా చిత్రం 'యానిమల్'. ఈ సినిమాకు 'అర్జున్ రెడ్డి ఫేమ్' సందీప్రెడ్డి వంగా దర్శకత్వం వహించారు. లవ్ అండ్ యాక్షన్ ఎంటర్టైనర్ జోనర్లో ఈ సినిమాను తెరకెక్కించారు. ఇప్పటికే విడుదలైన ఈ మూవీ టీజర్ అభిమానుల్లో భారీగా అంచనాలు పెంచేశాయి. హిందీతో పాటు తెలుగు, తమిళం, మలయాళం, కన్నడ భాషల్లో ఈ సినిమాను డిసెంబర్ 1 న విడుదల చేయనున్నారు. ఈ నేపథ్యంలో ప్రస్తుతం చిత్ర బృందం మూవీ ప్రమోషన్స్లో బిజీగా ఉంది.
తాజాగా ముంబయిలోని ఓ పాపులర్ సింగింగ్ ప్రోగామ్ షూట్లోనూ రణ్బీర్, రష్మిక మెరిశారు. స్టూడియోలోకి వెళ్లేముందు సెట్స్లో కలియతిరుగుతూ సందడి చేశారు. ఈ క్రమంలో అక్కడ ఉన్న ఓ రిపోర్టర్.. రణ్బీర్ను తెలుగులో మాట్లాడాలని అడిగారు. దీంతో వెంటనే స్పందించిన రణ్బీర్.. "అందరికీ నమస్కారం" అంటూ చెప్పారు. ఇంకా మాట్లాడాలని అడిగే సరికి.. పక్కనే ఉన్న రష్మిక ఆయనకు సాయం చేసింది. "నేను బాగున్నాను.. మీరు బాగున్నారా" అంటూ రణ్బీర్తో చెప్పించింది. అలానే కన్నడ కూడా నేర్పించింది రష్మిక. ప్రస్తుతం ఈ వీడియోలు నెట్టింట తెగ వైరల్ అవుతున్నాయి.