Animal Movie Box Office Collection : బాలీవుడ్ స్టార్ హీరో రణ్బీర్ కపూర్ 'యానిమల్' సినిమా బాక్సాఫీస్ వద్ద ర్యాంపేజ్ క్రియేట్ చేస్తోంది. నాన్ హాలీడేస్ (వీక్ డేస్) లోనూ హౌల్ఫుల్ షోస్తో ప్రదర్శితమౌతూ, కాసుల వర్షం కురిపిస్తోంది. ఈ సినిమా ఆరు రోజులు కలుపుకొని ప్రపంచవ్యాప్తంగా రూ. 527.6 కోట్లు వసూల్ చేసింది. ఈ కలెక్షన్ వివరాలను చిత్రబృందం అధికారికంగా వెల్లడించింది. అయితే రిలీజైన తర్వాత వరుసగా మూడు రోజుల్లో రూ. 100 కోట్లు వసూల్ చేసిందీ సినిమా. ఇక వీకెండ్ తర్వాత కాస్త జోరు తగ్గినట్లు అనిపించినా, ఆరు రోజుల్లోనే రూ. 500 కోట్ల మార్క్ అందుకోవడం విశేషం. కాగా, ఆరో రోజైన బుధవారం ఒక్క హిందీలోనే రూ. 27.8 కోట్ల కలెక్షన్లు సాధించింది.
రోజువారీ కలెక్షన్లు (ప్రపంచవ్యాప్తంగా)..
- తొలి రోజు - రూ.116 కోట్లు
- రెండో రోజు - రూ. 120 కోట్లు
- మూడో రోజు - రూ. 120 కోట్లు
- నాలుగో రోజు - రూ .69 కోట్లు
- ఐదో రోజు - రూ. 56 కోట్లు
- ఆరో రోజు - రూ. 46 కోట్లు
సినిమాలో హీరో రణ్బీర్కు జంటగా నేషనల్ క్రష్ రష్మిక మందన్నా నటించింది. ఈ సినిమాలో రణ్బీర్, రష్మిక నటనకు మంచి మార్కులు పడ్డాయి. తండ్రీ కుమారుల సెంటిమెంట్తో దర్శకుడు సందీప్రెడ్డి సినిమాను ఇంకో లెవెల్కు తీసుకెళ్లారు. తండ్రి పాత్రలో బాలీవుడ్ సీనియర్ నటుడు అనిల్ కపూర్ నటించారు. ఇక ఈ సినిమాకు తెలుగులోనూ మంచి స్పందన లభిస్తోంది. హిందీ, తెలుగుతో పాటు కన్నడ, తమిళం, మలయాళ భాషల్లో తెరకెక్కింది.