Animal Movie Censor : బాలీవుడ్ స్టార్ హీరోరణ్‌బీర్ కపూర్, నేషనల్ క్రష్ రష్మిక మందన్న లీడ్ రోల్స్లో తెరకెక్కిన లేటెస్ట్ మూవీ 'యానిమల్'. ట్రైలర్, సాంగ్స్తో మూవీ లవర్స్లో భారీ అంచనాలు పెంచేసిన ఈ చిత్రం డిసెంబర్ 1 న పాన్ ఇండియా లెవెల్లో వెండితెరపైకి రానుంది. తాజాగా ఈ చిత్రానికి సంబంధించిన ప్రీ రిలీజ్ ఈవెంట్ కూడా గ్రాండ్గా జరిగింది. ఇప్పటికే ఈ సినిమా రిలీజ్కు అన్ని రకాలుగా రెడీ అవుతోంది. ఈ నేపథ్యంలో సెన్సార్ బోర్డ్ యానిమల్కు 'A' సర్టిఫికేట్ ఇవ్వగా.. ఇప్పుడు ఈ సినిమాలో పలు మార్పులు చేయాలని సూచించిందట. దీంతో సెన్సార్ బోర్డు సూచనలకు అనుగుణంగా ఆ మార్పులను మూవీ టీమ్ చేసినట్లు సమాచారం.
సినీ వర్గాల సమాచారం ప్రకారం ఈ సినిమాలో 'బ్లాక్', 'కాస్ట్యూమ్' వంటి కొన్ని పదాలను మార్చారట. అయితే బ్లాక్ ప్లేస్లో ఏ పదాన్ని వాడాలో తెలపనప్పటికీ.. 'కాస్ట్యూమ్' ప్లేస్లో మాత్రం 'వస్త్ర' అనే పదాన్ని ఉపయోగించాలని సెన్సార్ బోర్డు పేర్కొందట. ఇంకా, "కభీ నహీ", "క్యా బోల్ రహే హో ఆప్" వంటి కొన్ని డైలాగ్‌లను కూడా మార్చారట. అంతే కాకుండా ఆ డైలాగుల ప్రకారం సినిమాలోని సబ్ టైటిల్స్ కూడా మార్చారట. "నాటక్" అనే పదాన్ని మ్యూట్ చేశారని సమాచారం. అంతే కాకుండా విజయ్, జోయా పాత్రలు మధ్య జరిగే ఇంటిమేట్ షాట్‌లను తొలగించారట. అయితే 'యానిమల్'లో ఈ రోల్స్ ప్రాముఖ్యత ఏంటో.. అసలు ఈ క్యారెక్టర్స్లో ఎవరు నటిస్తున్నారో అన్న విషయాలను ఇంకా వెల్లడించలేదు. మరోవైపు ఈ మూవీ దాదాపు మూడు గంటల 21 నిమిషాల నిడివితో థియేటర్లలో రన్ అవ్వనుందట.
యానిమల్ కోసం బీస్టె లెవెల్లో రణ్బీర్ ట్రాన్స్ఫార్మేషన్..
Animal Movie Ranbir Look : ఇక ఈ మూవీలో రణ్బీర్ సరికొత్త లుక్లో కనిపించారు. ట్రైలర్లో మూడు రకాల లుక్స్లో మెరిసి అభిమానులను ఆకట్టుకున్నారు. ముఖ్యంగా లాంగ్ హెయిర్, బియర్డ్ లుక్లో కనిపించి యువతలోమంచి క్రేజ్ సంపాదించుకున్నారు. దీంతో పాటు తన బాడీ బిల్డింగ్ విషయంలోనూ మార్పులు చేశారు. అయితే ఈలుక్‌ కోసం రణ్బీర్ పడిన కష్టాన్ని తాజాగా తన ట్రైనర్ సోషల్ మీడియాలో వెల్లడించారు. ఎంతోమంది సెలబ్రిటీల వ్యక్తిగత జిమ్‌ ట్రైనర్గా ఉన్న శివోహం.. ఈ సినిమా కోసం రణ్బీర్ ఎంతో కఠోర శ్రమ చేసినట్లు రాసుకొచ్చారు.