Allu arjun Trivikram new movie : టాలీవుడ్ సక్సెస్ఫుల్ కాంబినేషన్స్లో త్రివిక్రమ్- అల్లుఅర్జున్ ఒకటి. ఇప్పటికే వీరి కాంబోలో వచ్చిన 'జులాయి', 'సన్నాఫ్ సత్యమూర్తి', 'అలవైకుంఠపురంలో' చిత్రాలు బాక్సాఫీస్ వద్ద మంచి వసూళ్లను సాధించాయి. ముఖ్యంగా 'అలవైకుంఠపురంలో' నేషనల్ వైడ్గా బ్లాక్ బాస్టర్ హిట్ అందుకుంది. అలా ఈ కాంబో హ్యాట్రిక్ హిట్లను అందుకున్నారు. ఈ మూడు చిత్రాలను హారిక హాసిని క్రియేషన్స్ బ్యానర్పై నిర్మాత రాధాకృష్ణ నిర్మించారు. అయితే గత కొన్ని రోజులుగా ఈ ముగ్గురి కాంబోలో మరో చిత్రం రానుందని ప్రచారం సాగింది. తాజాగా ఈ సినిమా గురించి ఇప్పుడు అధికారికంగా ప్రకటించారు.
ప్రముఖ నిర్మాత నాగవంశీ ఈ విషయాన్ని అధికారికంగా ప్రకటిస్తూ ట్వీట్‌ చేశారు. ఈసారి మరింత భారీగా రెట్టింపు వినోదంతో రానున్నారని తెలుపుతూ ఓ స్పెషల్ వీడియోను రిలీజ్ చేశారు. సినిమాకు సంబంధించిన పూర్తి వివరాలు త్వరలోనే ప్రకటిస్తారట. ఈ విషయాన్ని నిర్మాణ సంస్థ తెలిపింది. సోషియో ఫాంటసీ మూవీగా ఈ సినిమా రాబోతున్నట్లు సమాచారం అందింది. ఇక ఈ సినిమా అఫీషియల్ అనౌన్స్ చేయడం అభిమానులు తెగ సంతోషం వ్యక్తం చేస్తున్నారు. ఇప్పటికే ఈ ఇద్దరి కాంబినేషన్‌లో వచ్చిన సినిమాల్లోని పంచ్‌ డైలాగ్లను సోషల్‌ మీడియాలో ట్రెండ్ చేస్తున్నారు. అలానే కొత్త సినిమా పోస్టర్, వీడియోను కూడా ట్రెండ్ చేస్తున్నారు.
Alluarjun pushpa 2 movie : ఇకపోతే ప్రస్తుతం అల్లు అర్జున్ 'పుష్ప2' షూటింగ్తో బిజీగా ఉన్నారు. దీనిని దర్శకుడు సుకుమార్ శరవేగంగా తెరకెక్కిస్తున్నారు. ఈ చిత్రం ఈ ఏడాది చివర్లో తీసుకురావడానికి ప్రయత్నాలు చేస్తున్నారు. మరోవైపు మాటల మాంత్రికుడు త్రివిక్రమ్ సూపర్ స్టార్ మహేశ్ బాబుతో 'గుంటూరు కారం' సినిమా చేస్తున్నారు. అయితే ఈ సినిమాకు మొదటి నుంచే అడ్డంకులే ఉన్నట్లు కనిపిస్తోంది. కథలో మార్పులు, షూటింగ్ ఆలస్యం, క్యాస్టింగ్పై కన్ఫ్యూజన్.. ఇలా మొత్తంగా ఈ సినిమాపైనే ఓ సందిగ్ధత నెలకొంది. దీనికి తోడు ఈ చిత్రం మొదలు పెట్టినప్పటి నుంచి ఇది పూర్తి చేయకుండా.. త్రివిక్రమ్.. పవన్ సినిమాల వెనకాలే పడుతున్నారని మహేశ్ అభిమానులు గుర్రుగా ఉన్నారు. సరే ఏదేమైనప్పటికీ ఈ చిత్రం పూర్తవ్వగానే.. అల్లు అర్జున్తో సినిమా ప్రారంభం అయ్యే అవకాశం ఉంది.