అల్లు అర్జున్ కథానాయకుడిగా సుకుమార్ దర్శకత్వంలో వచ్చిన 'పుష్ప'.. దేశవ్యాప్తంగా ఘన విజయం సాధించింది. ఈ సినిమాకు చెందిన 'తగ్గేదే లే' అనే డైలాగ్ అనుకరించని వాళ్లు లేరంటే అతిశయోక్తి కాదు. దీంతో ఈ సినిమా పార్ట్-2 పై అంచనాలు పెరిగిపోయాయి. పుష్ప -2 షూటింగ్ ఎప్పుడెప్పుడు మొద‌లుకానుందా అని చాలా రోజులగా అభిమానులు ఎదురుచూస్తున్నారు.
అయితే ఎట్ట‌కేల‌కు ఈ సినిమా సెట్స్‌పైకి తీసుకెళ్లిన‌ట్లు తెలుస్తోంది. ఆదివారం.. పుష్ప సినిమాటోగ్రాఫ‌ర్ మిరోస్లా క్యూబా బ్రోజెక్ పోస్ట్ చేసిన ఫొటో చూస్తుంటే సినిమా షూటింగ్ మొద‌లైంది నిజ‌మేన‌ని తెలుస్తోంది. అడ్వెంచ‌ర్ హాజ్‌ బిగెన్ అంటూ అల్లు అర్జున్‌తో క‌లిసి ఉన్న ఓ ఫొటోను మిరోస్లా ఇన్‌స్టాగ్రామ్‌లో పోస్ట్ చేశారు. ఇందులో బ‌న్నీపై ఫ్రేమ్ సెట్ చేస్తూ మిరోస్లా క‌నిపిస్తున్నారు. థాంక్స్ టూ ఐకాన్ స్టార్ అంటూ మిరోస్లా ఈ ఫొటోకు క్యాప్ష‌న్ జోడించాడు.