Allu Arjun Atlee :ఐకాన్స్టార్ అల్లు అర్జున్- స్టార్ డైరెక్టర్ అట్లీ కాంబోలో ఓ సినిమా తెరకెక్కనుందనని ఇదివరకే కొన్ని కథనాలు వెలువడ్డాయి. తాజాగా ఈ ప్రాజెక్ట్ గురించి మరో వార్త హాట్ టాపిక్గా మారింది. ప్రస్తుతం 'పుష్ప ది రూల్'తో బిజీగా ఉన్న అల్లు అర్జున్, అట్లీ సినిమాకు ఓకే చెప్పారని టాక్ నడుస్తోంది. పుష్ప-2 షూటింగ్ కంప్లీట్ అయ్యాక ఈ సినిమా పట్టాలెక్కనుందని సమాచారం.
ఈ సినిమాలో బన్నీ కంప్లీట్ డిఫరెంట్ లుక్లో కనిపించనున్నారట. ఇది పక్కా కమర్షియల్‌ ఎంటర్‌టైనర్‌గా తెరకెక్కనున్నట్లు తెలుస్తోంది. 2024లో షూటింగ్ ప్రారంభించాలని అట్లీ భావిస్తున్నట్లు తెలిసింది. ఇప్పటికైతే దీనిపై చర్చలు జరుగుతున్నాయని, త్వరలోనే ప్రాజెక్ట్ కంప్లీట్ డీటెయిల్స్ అఫీషియల్గా అనౌన్స్ చేస్తారని ఇన్సైడ్ టాక్.
మ్యూజిక్ డైరెక్టర్ కూడా ఫిక్స్! : బాలీవుడ్ బాద్షా షారుక్ ఖాన్- అట్లీ కాంబోలో తెరకెక్కిన 'జవాన్' భారీ విజయం దక్కించుకుంది. వరల్డ్వైడ్గా ఈ సినిమా రూ.1000 కోట్లు వసూల్ చేసింది. ఇక ఈ సినిమా సక్సెస్పై అప్పట్లో అల్లు అర్జున్ మూవీటీమ్కు ట్విట్టర్లో శుభాకాంక్షలు తెలిపారు. అయితే బన్నీ ఈ ట్వీట్ పోస్ట్ చేసిన కొంతసేపటి తర్వాత మ్యూజిక్ డైరెక్టర్ అనిరుధ్ 'థాంక్యూ మై బ్రో' అంటూ రిప్లై ఇచ్చాడు. దానికి బన్నీ 'థాంక్యూ సరిపోదు నాకు మంచి పాటలు కావాలి' అంటూ అనిరుధ్ ట్వీట్కు రిప్లై ఇచ్చారు. దీంతో అట్లీ-అర్జున్-అనిరుధ్ (AAA) కాంబోలో త్వరలోనే ఓ ప్రాజెక్ట్ తెరకెక్కనుందంటూ అప్పట్నుంచే సోషల్ మీడియాలో వార్తలు ట్రెండ్ అవుతున్నాయి.