తెలుగు సినిమా రంగంలో చెప్పుకోదగ్గ నిర్మాతలలో ఆయన ఒకరు. తెలుగు ప్రేక్షకులకు సూపర్ హిట్ చిత్రాలు అందించారు. ఆయనే అల్లు అరవింద్. తాజాగా ఈ నిర్మాత.. ఈటీవీలో ప్రసారమయ్యే అలీతో సరదాగా కార్యక్రమానికి వచ్చారు. అల్లు క్వీన్ ఆర్హ గురించి ఆసక్తికర విషయాలు చెప్పారు. చిన్న వయసులోనే ఇంత తెలివైన అమ్మాయిలు చాలా అరుదుగా ఉంటారని అన్నారు. తండ్రి అల్లు రామ లింగయ్యపై తనకున్న అనుబంధాన్ని పంచుకున్నారు.
'మీ తండ్రి మిమ్మల్ని తెలివైన వాడని ఎప్పుడు అనుకున్నారు' అని అలీ అడిగిన ప్రశ్నకు సమాధానం ఇచ్చారు అల్లు అరవింద్. తన తండ్రి రెమ్యునరేషన్ విషయంలో తలెత్తిన ఓ సమస్యను తీర్చానని చెప్పారు. అల్లు రామలింగయ్యకు ముందుగా అనుకున్న రెమ్యునరేషన్ కంటే తక్కువగా ఇచ్చారట. దీంతో రామలింగయ్య.. అరవింద్ను ఓ సలహా అడిగితే.. ఈ డబ్బులు మీ వద్దే ఉంచుకుని.. సినిమా అయిపోయిన తర్వాత వడ్డీతో సహా ఇవ్వమని సలహా ఇచ్చారట అరవింద్. దీంతో ఆ మొత్తం డబ్బులు ఇచ్చారట.