Akshay Kumar Jacqueline Fernandez: బాలీవుడ్ బ్యూటీ జాక్వెలిన్ ఫెర్నాండెజ్ కన్నా నటి కృతి సనన్ అంటే తనకు ఇష్టమని చెప్పారు 'ఖిలాడి' హీరో అక్షయ్ కుమార్. ఈ ఇద్దరు భామలతో కలిసి ఆయన నటించిన సినిమా 'బచ్చన్ పాండే'. హోలీ కానుకగా ఈ నెల 18న విడుదల కానుంది.
తన సినిమాల ప్రచారన్ని విభిన్నంగా నిర్వహించే అక్షయ్.. 'బచ్చన్ పాండే'ను కూడా తనదైన శైలిలో ప్రేక్షకులకు చేరువ చేస్తున్నారు. ప్రచార కార్యక్రమంలో భాగంగా చిత్రబృందం రైలులో ముంబయి నుంచి దిల్లీకి వెళ్లింది. ఆ సమయంలో తీసిన ఓ సరదా వీడియోను ఆన్‌లైన్‌లో అభిమానులతో పంచుకున్నారు అక్షయ్.