అక్కినేని నాగేశ్వరరావు నటించిన చిత్రం ప్రతిబింబాలు. జయసుధ కథానాయిక. కె.యస్‌.ప్రకాశ్‌రావు దర్శకత్వంలో జాగర్లమూడి రాధాకృష్ణమూర్తి నిర్మించారు. పలు కారణాలవల్ల విడుదల కాలేకపోయిన ఈ సినిమా, దాదాపు నలభయ్యేళ్ల తర్వాత ఈ నెల 5న ప్రేక్షకుల ముందుకొస్తోంది. హైదరాబాద్లో విలేకర్ల సమావేశం నిర్వహించాయి సినీ వర్గాలు.
40 ఏళ్ల తర్వాత అక్కినేని చిత్రం విడుదల.. ఏ మూవీ అంటే?
అక్కినేని నాగేశ్వరరావు నటించిన ఓ చిత్రం దాదాపు 40ఏళ్ల తర్వాత విడుదల సిద్ధమైంది. ఆ వివరాలు..
40 ఏళ్ల తర్వాత అక్కినేని చిత్రం విడుదల.. ఏ మూవీ అంటే?
నిర్మాత జాగర్లమూడి రాధాకృష్ణమూర్తి మాట్లాడుతూ "అక్కినేని నాగేశ్వరరావు ద్విపాత్రాభినయం చేసిన సినిమా ఇది. 1982లో మొదలుపెట్టి ఏకధాటిగా చిత్రీకరణ చేశాం. ఇంకా కొంత భాగం చిత్రీకరణ ఉందనగా అక్కినేని నాగేశ్వరరావుకి గుండెపోటు రావడంతో అమెరికా వెళ్లిపోయారు. ఆ తర్వాత రెండేళ్లకి ఈ సినిమాని పూర్తి చేద్దామని ఏఎన్నార్‌ ముందుకొచ్చినా పలు కారణాలతో సాధ్యం కాలేదు. మళ్లీ ఆయనే కల్పించుకుని దర్శకుడు కె.ఎస్‌.ప్రకాశ్‌రావుని పిలిచి ఈ సినిమాని పూర్తి చేయించారు. కానీ రీరికార్డింగ్‌ సమయంలో పంపిణీదారులు వెనక్కి వెళ్లడంతో ఆర్థిక పరమైన కారణాలతో విడుదల కాలేదు. అప్పట్నుంచి ఈ సినిమా విడుదల కోసం నేను చేసిన పోరాటం అంతా ఇంతా కాదు. నిర్మాత రాచర్ల రాజేశ్వర్‌రావు ఈ సినిమా విడుదల చేయడానికి ముందుకొచ్చారు. 250 థియేటర్లలో ఈ సినిమాని విడుదల చేస్తున్నాం’’ అన్నారు. ‘‘సినిమా చాలా బాగుంది. ఇలాంటి చిత్రం మళ్లీ మళ్లీ రాదు. ఏఎన్నార్‌ సినిమా విడుదల చేస్తుండడం అదృష్టంగా భావిస్తున్నాం" అన్నారు రాచర్ల రాజేశ్వర్‌రావు. ఈ కార్యక్రమంలో చలన చిత్ర వాణిజ్య మండలి అధ్యక్షుడు కె.బసిరెడ్డి, నిర్మాతల మండలి కార్యదర్శి టి.ప్రసన్నకుమార్‌, నిర్మాత తుమ్మలపల్లి రామసత్యనారాయణ తదితరులు పాల్గొన్నారు.
ఇదీచూడండి:'సరోగసీ అంటేనే అది మాటలతో చెప్పలేం.. అనుభవిస్తేకాని అర్ధం కాదు'