అఖిల్ అక్కినేని హీరోగా తెరకెక్కిన చిత్రం 'ఏజెంట్'. సురేందర్ రెడ్డి దర్శకుడు. స్టైలిష్ అండ్ హై వోల్టేజ్ యాక్షన్ బ్యాక్ డ్రాప్లో రూపొందిందీ చిత్రం. అఖిల్ కెరియర్లోనే హైయెస్ట్ బడ్జెట్తో రాబోతున్న చిత్రమిది. దాదాపు రూ.80కోట్ల బడ్జెట్తో రూపొందిన ఈ చిత్రం ఏప్రిల్ 28న ఈ మూవీ ఆడియెన్స్ ముందుకు రాబోతుంది. ఈ చిత్రంతోనే సురేందర్ రెడ్డి నిర్మాతగా మారారు. సాక్షి వైద్య హీరోయిన్గా నటించింది. ఇప్పటికే రిలీజైన పోస్టర్, టీజర్, ట్రైలర్తో సినిమాపై మూవీ లవర్స్లో మంచి అంచనాలే నెలకొన్నాయి. అయితే ఈ సినిమా అనౌన్స్ చేసినప్పటి నుంచి కష్టాలను ఎదుర్కొంటూనే ఉంది. ఏదో ఒకటి చిత్రానికి అడ్డుగా నిలుస్తూనే ఉన్నాయి. అలా బ్యాడ్ లక్ ఈ చిత్రాన్ని వెంటాడుతూనే ఉంది.
ఈ చిత్ర షూటింగ్ను రెండేళ్ల క్రితమే ప్రారంభించింది మూవీటీమ్. అయితే సురేందర్ రెడ్డి ఆ మధ్యలో కాస్త అనారోగ్యం పడటం వల్ల ఆలస్యమవుతూ వచ్చిందని టాక్ వినిపించింది. మూవీ ప్రారంభించినా కొంతకాలానికి దర్శకుడు సురేందర్ రెడ్డి కరోనా కారణంగా బ్రేక్ తీసుకున్నారు. కరోనా నుంచి కోలుకోవడానికి ఆయనకు చాలా కాలమే పట్టింది. లాక్డౌన్ వల్ల కూడా షూటింగ్ వాయిదా పడుతూ వచ్చింది. అలా సినిమా రిలీజ్కు కూడా పోస్ట్పోన్ అవుతూ వచ్చింది.
ఫైనల్గా సినిమా రిలీజ్కు రెడీ అవుతున్న నేపథ్యంలో మొదట్లో ఆశించిన స్థాయిలో బజ్ కూడా క్రియేట్ కాలేదు. దీంతో పాన్ ఇండియాగా రావాల్సిన ఈ ప్రాజెక్ట్ కాస్త.. తెలుగు, మలయాళీ భాషలకు మాత్రమే పరిమితమైంది. ఇక ఇదే సమయంలో ఏజెంట్లో కీలక పాత్ర పోషించిన మలయాళీ మెగాస్టార్ మమ్ముట్టి తల్లి రీసెంట్గా మరణించారు.
ఇంకోవైపు ప్రీరిలీజ్ ఈవెంట్కు చీఫ్ గెస్ట్లుగా రామ్చరణ్, ప్రభాస్ వస్తారని ప్రచారం సాగింది. కానీ బిజీ షెడ్యూల్ కారణంగా అది కూడా కుదరలేదని తెలిసింది! సీనియర్ హీరో నాగార్జున ముఖ్య అతిథిగా రాబోతున్నట్లు మూవీటీమ్ తాజాగా ప్రకటించింది. ఇకపోతే ఈ ప్రీ రిలీజ్ ఈవెంట్లో చిత్ర నిర్మాత అనిల్ సుంకర కూడా హాజరుకాలేకపోతున్నారని వినికిడి. మరోవైపు.. ఈ సినిమాకు సంబంధించిన స్పెషల్ సాంగ్ను రిలీజ్ చేద్దామని ప్లాన్ చేశారు. కానీ టెక్నికల్ ప్రాబ్లమ్ వల్ల అది కూడా వాయిదా పడింది. ఇలా సినిమా అనౌన్స్ చేసినప్పటి నుంచి ఏజెంట్ చిత్రానికి ఏదో ఒక అడ్డంకి వస్తూనే ఉంది. ఏదేమైనప్పటికీ రీసెంట్గా రిలీజైన ఈ సినిమా ట్రైలర్తో మంచి రెస్పాన్స్ వచ్చింది. మరి ఈ చిత్రం ఏప్రిల్ 28న థియేటర్స్లో ప్రేక్షకులను ఎలా ఆకట్టుకుంటుందో వేచి చూడాలి.
ఇదీ చూడండి:Actress Divi : 'ఎవరైనా నా ముడి విప్పండి'.. సీక్రెట్ ప్లేస్లోని టాటూ చూపిస్తూ..
