నట సింహం బాలకృష్ణ ఎంట్రీతో ఓటీటీకే ఓ కొత్త కల వచ్చిందనే చెప్పాలి. దానికి నిదర్శనం తన అనస్టాపబుల్ టాక్ షో. రిలీజైన ప్రతి ఎపిసోడ్ ఓ సెన్సేషన్గా నిలుస్తోంది. వచ్చే ప్రతీ గెస్ట్ కూడా ఓ ప్రత్యేకమే మునుపెన్నడూ ఎటువంటి ఎంటర్టైనింగ్ టాక్ షోలకు రాని కొంత మంది స్టార్స్ ఈ షో కు వచ్చి అందరిని ఆశ్చర్య పరిచారు. అంతే కాకుండా ఈ షో కు సినీ ప్రముఖులతో పాటు రాజకీయా నేతలు కూడా రావడం విశేషం.
రీసెంట్గా రిలీజైన ప్రభాస్ ఎపిసోడ్ ఓ బ్లాక్బస్టర్ హిట్గా నిలిచింది. పార్ట్ 1 రిలీజైనప్పుడు రోజున ఆహా సర్వర్లన్నీ ఒకే సారిగా డౌన్ అయ్యాయి. ఆ రేంజ్లో అభిమానులు ఎదురు చూశారు మరి. ఇక ఇక ఎప్పుడెప్పుడా అని ఎదురు చూస్తున్న ఎపిసోడ్కు రెస్పాన్స్ ఎలా ఉంటుందో ఇప్పుడే ఊహించగలం. అదే పవరస్టార్ ఎపిసోడ్. ప్రభాస్ ఎపిసోడ్ తర్వాత మోస్ట్ అవెయిటింగ్ ఎపిసోడ్ ఇదే. అంతే కాకుండా ప్రోమో రిలీజ్ కాక ముందు నుంచే ఈ ఎపిసోడ్ కోసం ట్రెండ్స్ సృష్టించారు పవర్ అభిమానులు.
అయితే ప్రోమోలో బాలయ్య ఇంట్రెస్టింగ్ ప్రశ్నలకు పవన్ కల్యాణ్ తనదైన సమాధానాలను ఇచ్చారు. దీంతో అభిమానులకు ఈ షో మీద మరింత ఆసక్తి పెరిగింది. అయితే సంక్రాంతికే రావాల్సిన ఈ ఎపిసోడ్ ఇప్పటికే పలు మార్లు వాయిదా పడింది. దీంతో ఫ్యాన్స్ ఇంకొంత కాలం వెయిట్ చేయాలా అంటూ ఆందోళన పడ్డారు. కానీ వీటన్నింటికి ఫుల్ స్టాప్ పెడుతూ పవన్ కల్యాణ్ షో విడుదల తేదీ ఖరారు చేసింది ఆహా టీమ్.
ఫిబ్రవరి 2 కు అన్స్టాపబుల్ విత్ ఎన్బీకే 2 లేటెస్ట్ ఎపిసోడ్ టెలికాస్ట్ కానున్నట్లు ఆహా తన సోషల్ మీడియా హ్యాండిల్స్లో అప్డేట్ పోస్ట్ చేసింది. అంతే ఇక ఫ్యాన్స్ అప్పుడే సంబరాలు మొదలుపెట్టేశారు. బాహుబలి ఎపిసోడ్ లాగే దీన్ని కూడా రెండు ఎపిసోడ్లుగా విడుదల చేయనున్నట్లు తెలిపారు. ఫిబ్రవరి 2వ తేదీన పార్ట్ 1 రాగా..తర్వాతి వారానికి పార్ట్ 2 విడుదల కానుంది. అయితే పవన్ ఎపిసోడ్ తర్వాత ఈ అన్స్టాపబుల్ సీజన్ 2కు ఇక ముగుస్తుందా అన్న ప్రశ్న అభిమానుల్లో మొదలయ్యింది. ఇప్పుడైత సీజన్2కు పవన్ ఎపిసోడ్స్ లాస్ట్ అని సమాచారం. ఆ తర్వాత మళ్లీ సీజన్ 3 వచ్చే అవకాశం ఉందని అంటున్నారు.
