Telugu Indian Idol winner: ప్రముఖ ఓటీటీ ప్లాట్ఫామ్ ఆహాలో ప్రసారమవుతున్న 'తెలుగు ఇండియన్ ఐడల్' కార్యక్రమం ముగిసింది. ఇందులో ఎవరు విజేతగా నిలుస్తారో అన్న ఉత్కంఠకు తెరదించుతూ.. కంటెస్టెంట్ వాగ్దేవి టైటిల్ను ముద్దాడింది. చీఫ్ గెస్ట్గా వచ్చిన చిరంజీవి చేతుల మీదగా ట్రోఫిని అందుకుంది. రూ.10లక్షల ప్రైజ్మనీ కూడా గెలుచుకుంది. గీతా ఆర్స్ట్స్ నుంచి రానున్న ఓ సినిమాలో పాడే అవకాశాన్ని దక్కించుకుంది! కాగా, మొదటి రన్నరప్ శ్రీనివాస్కు రూ.3లక్షలు, రెండో రన్నరప్ వైష్ణవికి రూ.2లక్షలు నగదు బహుమతిని దక్కించుకున్నారు. వైష్ణవి పాటకు మెచ్చి చిరు.. తన 'గాడ్ఫాదర్' సినిమాలో పాడే అవకాశాన్ని ఇచ్చారు.
తెలుగు ఇండియన్ ఐడల్ విజేతగా వాగ్దేవి! - తెలుగు ఐడల్ విన్నర్ వాగ్దేవి
Telugu Indian Idol winner: 15 వారాల పాటు ఎంతో ఆసక్తిగా సాగిన తెలుగు ఇండియన్ ఐడల్ రియాలిటీ షో ముగిసింది. ఎవరు గెలుస్తారో అనే ఉత్కంఠకు తెరపడింది. సింగర్ వాగ్దేవి ఈ ఫస్ట్ సీజన్ విజేతగా నిలిచి మెగాస్టార్ చిరంజీవి చేతుల మీదగా ట్రోఫీని అందుకుంది.
తెలుగు ఐండియన్ ఐడల్ విజేతగా వాగ్దేవి
ఇక ఈ కార్యక్రమానికి సంగీత దర్శకుడు తమన్, నటి నిత్యామేనన్, గాయకుడు కార్తిక్లు న్యాయనిర్ణేతలుగా వ్యవహరించారు. ఈ షోలో తమ ప్రతిభను నిరూపించుకునేందుకు తెలుగు రాష్ట్రాల నుంచి ఎంతోమంది యువతీయువకులు ప్రయత్నించారు. చివరికి 12మంది మాత్రమే ఎంపికయ్యారు. వారి మధ్య జరిగిన పోటీలో ఐదుగురు ఫైనల్స్కు చేరుకున్నారు. ఇందులో విజయం వాగ్దేవిని వరించింది. ఇక ఈ ఫినాలేలో 'విరాటపర్వం' టీమ్ రానా, సాయిపల్లవి కూడా సందడి చేశారు.
ఇదీ చూడండి:'కొన్ని పొరపాట్లు జరిగాయి.. నాపై కావాలనే ఆ పంచ్లు.. అయినా...'
Last Updated : Jun 18, 2022, 10:45 AM IST