ప్రేక్షకులకు అన్‌లిమిటెడ్ ఎంటర్‌టైన్‌మెంట్ అందిస్తున్న తెలుగు ఓటీటీ ప్లాట్ఫామ్ ఆహా. ప్రతి వారం ఆడియెన్స్‌ను అదిరిపోయే షోలతో అలరిస్తోంది. అందులో 'డాన్స్ ఐకాన్' షో కూడా ఒకటి. ప్రేక్షకుల మనసు దోచుకొని దాదాపు 13 వారాల పాటు సాగిన ఈ షో గ్రాండ్ ఫినాలె అట్టహాసంగా సాగింది. ఈ ఫినాలెలో విన్నర్స్గా.. అసిఫ్ అతడి కొరియోగ్రాఫర్ రాజు నిలిచారు.
విన్నర్ అసిఫ్ 20 లక్షల నగదుతో పాటు ట్రోఫీని ముద్దాదాడు. ఇక అసిఫ్ కొరియోగ్రాఫర్ రాజుకు ఏకంగా ఓ స్టార్ హీరో సినిమాలో డాన్స్ కంపోజ్ చేసే ఛాన్స్ కూడా దక్కటం విశేషం. ఈ షో ఫినాలేలో అల్లు అరవింద్‌తో పాటు, మైత్రీ రవిశంకర్, ఎస్ విసీసీ బాపినీడు, సితార నాగవంశి పాల్గొన్నారు.