Agent Movie OTT Release :టాలీవుడ్ యంగ్ హీరో అక్కినేని అఖిల్.. లీడ్ రోల్లో నటించిన చిత్రం 'ఏజెంట్'. ఈ సినిమాను స్టార్ డైరెక్టర్ సురేందర్ రెడ్డి తెరకెక్కించారు. యంగ్ బ్యూటిఫుల్ నటి సాక్షి వైద్య.. అఖిల్కు జోడీగా నటించింది. అయితే ఈ సినిమా ప్రపంచవ్యాప్తంగా ఏప్రిల్‌ 28న థియేటర్‌లో విడుదలైంది. కానీ ఇప్పటికీ ఈ సినిమా ఓటీటీ రిలీజ్కు నోచుకోలేదు. దీంతో ఫ్యాన్స్ నిరాశ చెందారు. అయితే ఎప్పుడెప్పుడా అని ఎదురుచూస్తున్న ఫ్యాన్స్కు గుడ్న్యూస్. ఈ సినిమా ఓటీటీ రిలీజ్ గురించి ఓ క్లారిటీ వచ్చింది.
ఎట్టకేలకు ఏజెంట్ ఓటీటీ విడుదల ఖరారైంది. ఈ సినిమా ప్రముఖ ఓటీటీ ప్లాట్ఫామ్ 'సోనీలివ్'లో సెప్టెంబర్ 29 నుంచి స్ట్రీమింగ్‌కు అందుబాటులో ఉండనుంది. ఈ మేరకు సదరు సంస్థ.. సోషల్ మీడియాలో ట్రైలర్‌ను షేర్‌ చేసింది. అయితే ముందుగా ఈ సినిమా మే 19 నుంచే ఓటీటీలో అందుబాటులో ఉండనున్నట్లు అప్పట్లో వార్తలు వచ్చాయి. అనవసర సన్నివేశాలను తొలగించి, రన్టైమ్ కారణంగా తీసేసిన మంచి సన్నివేశాలను జోడించి కొత్త వెర్షన్‌ను విడుదల చేయాలనే ఉద్దేశంతోనే ఆలస్యంగా విడుదల చేయాలని సదరు సంస్థ భావించినట్లు అప్పట్లో టాక్ వినిపించింది. అయితే ఇప్పుడు ఓటీటీలో ఏ వెర్షన్ రిలీజ్ అవుతుందో తెలియాలంటే సెప్టెంబర్ 29 వరకు వేచి చూడాల్సిందే.
సడెన్గా ఓటీటీలోకి బెదురులంక 2012.. యంగ్ హీరో కార్తికేయ-నేహాశెట్టి జంటగా నటించిన చిత్రం 'బెదురులంక 2012'. గతనెల 25న థియేటర్లలో విడుదలైన ఈ సినిమా పాజిటివ్ టాక్ సొంతం చేసుకుంది. అయితే ఈ సినిమా ఎలాంటి ప్రచారం లేకుండా సడెన్గా ఓటీటీలోకి వచ్చింది. ప్రస్తుతం 'అమెజాన్‌ ప్రైమ్‌ వీడియో'లో స్ట్రీమింగ్‌కు అందుబాటులో ఉంది.