నా తర్వాతి సినిమా 'దిల్లీ ఫైల్స్': వివేక్​ అగ్నిహోత్రి

'కశ్మీర్ ఫైల్స్'తో సంచలన విజయాన్ని అందుకున్న దర్శకుడు వివేక్ అగ్నిహోత్రి.. తాను చేయబోయే తర్వాతి సినిమా 'దిల్లీ ఫైల్స్' అని ప్రకటించారు. 'కశ్మీర్ ఫైల్స్'ను ఆదరించిన ప్రతి ఒక్కరికి కృతజ్ఞతలు తెలిపారు.

కశ్మీర్ ఫైల్స్.. చిన్న సినిమాగా విడుదలై ఘన విజయాన్ని సొంతం చేసుకుంది. అయితే ఈ సినిమా దర్శకుడు వివేక్ అగ్నిహోత్రి.. మరో మూవీని పట్టాలెక్కించేందుకు సిద్ధమయ్యారు. తన తదుపరి సినిమా 'దిల్లీ ఫైల్స్' అని ప్రకటించారు. కశ్మీర్ ఫైల్స్ తీసిన స్ఫూర్తిలో ఈ సినిమాను తెరకెక్కిస్తానన్నారు. కశ్మీర్ ఫైల్స్​ను ఆదరించిన ప్రతి ఒక్కరికి కృతజ్ఞతలు తెలిపారు. ఈ మేరకు ఆయన ట్విట్​ చేశారు.

'ది కశ్మీర్ ఫైల్స్' కోసం నాలుగేళ్లు కష్టపడినట్లు తెలిపారు వివేక్​. ఈ సినిమా ద్వారా.. కశ్మీరీ హిందువులపై జరిగిన నరమేధం, వారికి జరిగిన అన్యాయంపై ప్రజలకు అవగాహన కల్పించినట్లు చెప్పారు. చాక్లెట్​, హేట్ స్టోరీ, జిద్ వంటి సినిమాలు వివేక్ అగ్నిహోత్రి దర్శకత్వంలో వచ్చినవే.

ఈ సినిమా చూడాలని స్వయంగా పీఎం మోదీ చెప్పడం.. భాజపా పాలిత రాష్ట్రాలైన మధ్యప్రదేశ్, ఉత్తరప్రదేశ్, గుజరాత్​లో వినోద పన్ను రాయితీగా.. ఇవ్వడం వల్ల రాజకీయ చర్చకు దారితీసింది. దీంతో ఈ సినిమాకు మరింత హైప్​ క్రియేట్​ అయ్యింది. ఫలితంగా బాక్సాఫీసు వద్ద సంచలనం నమోదు చేసింది.