Balakrishna Movies : నందమూరి నట సింహం బాలకృష్ణ ప్రస్తుతం అనిల్ రావిపుడి దర్శకత్వం వహిస్తున్న 'భగవంత్ కేసరి' సినిమాలో నటిస్తున్నారు. షూటింగ్ దశలో ఉన్న ఈ సినిమా కోసం అభిమానులు వేయి కళ్లతో ఎదురు చూస్తున్నారు. అప్పట్లో వచ్చిన పోస్టర్తో పాటు ఇటీవలే రిలీజైన టీజర్ ప్రేక్షకుల్లో ఈ సినిమాపై భారీ అంచనాలు ఏర్పడేలా చేస్తున్నాయి. అంతే కాకుండా బాలయ్య కూడా మునుపెన్నడు లేని లుక్లో కనిపించి అందరిని ఆశ్చర్యపరుస్తున్నారు. కాజల్, శ్రీలీల లాంటి స్టార్స్ నటించిన ఈ సినిమాను, దసరా పండుగ సందర్భంగా విడుదల చేయనున్నారు. ఈ క్రమంలో ఓ వైపు ఈ సినిమా షూటింగును పూర్తిచేసుకుంటూ ఉండగానే, బాలయ్య మరో నలుగురు దర్శకులకు ఓకే చెప్పారు. దీంతో 'భగవంత్ కేసరి' తర్వాత ఆయన లైనప్ భారీగా ఉంది.
Bhagawant Kesari Movie : 'భగవంత్ కేసరి' తరువాత వాల్తేర్ వీరయ్య దర్శకుడు బాబీ తెరకెక్కిస్తున్న ఓ సినిమాలో బాలయ్య లీడ్ రోల్ చేస్తున్నారు. యాక్షన్ థీమ్తో నడిచే ఈ సినిమాను సితార నాగవంశీ - సాయి సౌజన్య సంయుక్తంగా నిర్మిస్తున్నారు. ఇక ఆ తరువాత బాలయ్య-బోయపాటి క్రేజీ కాంబోలో ఓ సినిమా రూపొందనుంది. 14 రీల్స్ సంస్థ నిర్మిస్తున్న ఈ సినిమా.. పొలిటికల్ నేపథ్యంలో కొనసాగుతుందని సినీ వర్గాల టాక్.