Adipurush Release Date 2023 : 'ఆదిపురుష్'ను వెండితెరపై ఎప్పుడు చూస్తామా అని ఎదురు చూస్తున్న ఫ్యాన్స్ కోసం ఓ క్రేజీ అప్డేట్ ఇచ్చింది మూవీ టీమ్. ఇప్పటికే విడుదలైన టీజర్తో ఎన్నో వివాదాల్లో చిక్కుకున్న ఈ సినిమాకు తుది మెరుగులు దిద్దేందుకు ఇంకాస్తా టైం తీసుకుంటుందని భావించినప్పటికీ త్వరలోనే థియేటర్లలో సందడి చేస్తుందని దర్శకుడు ఓం రౌత్ ట్వీట్ చేశారు. సినిమా రిలీజ్ డేట్ను కన్ఫార్మ్ చేసినట్లు ఓ ట్వీట్ ద్వారా తెలిపారు. దీంతో డార్లింగ్ ఫ్యాన్స్ సంబరాలు చేసుకుంటున్నారు.
150 డేస్ టు గో.. 'ఆదిపురుష్' రిలీజ్పై క్లారిటీ
ప్రభాస్ ఫ్యాన్స్ ఎంతగానో ఎదురుచూస్తున్న మూవీ అప్డేట్ రానే వచ్చింది. ఎప్పుడెప్పుడు ఆదిపురుష్ను సిల్వర్ స్క్రీన్పై చూస్తామా అని వెయిట్ చేస్తున్న ఫ్యాన్స్కు తీపి కబురు అందించింది మూవీ టీమ్. అదేంటంటే..
adipurush
సినిమా రిలీజ్కు ఇంకా 150 రోజులున్నాయి అంటూ మూవీ టీమ్ సోషల్ మీడియాలో పోస్ట్ చేసిన ఈ పోస్టర్ ఇప్పుడు నెట్టింట హల్చల్ చేస్తోంది. ఇప్పటికే సలార్ అప్డేట్తో ఫుల్ జోష్లో ఉన్న రెబల్ ఫ్యాన్స్ ఇప్పుడు ఆదిపురుష్ న్యూస్తో డబుల్ ఆనందాన్ని ఆస్వాదిస్తున్నారు. ఇక సినిమా సిల్వర్ స్క్రీన్పై త్వరలో వస్తుంది అంటూ కౌంట్డౌన్ స్టార్ చేశారు.