Adipurush 3d ticket price : 'ఆదిపురుష్‌' మూవీటీమ్ సినీ ప్రియులకు మరో శుభవార్త వినిపించింది. 3డీ వెర్షన్‌కు సంబంధించిన సినిమా టికెట్ల ధరను మరింత తగ్గించనున్నట్లు తెలిపింది. రూ. 112 (*షరతులు వర్తిస్తాయి) ప్రారంభ ధరతో విక్రయించనున్నట్టు తెలిపింది. సోషల్ మీడియా వేదికగా ఈ విషయాన్ని తెలుపుతూ పోస్ట్ చేసింది. ఈ ఆఫర్‌ సోమవారం నుంచి అందుబాటులో ఉంటుందని వెల్లడించింది. ఇటీవలే ఈ నెల 22, 23న.. ఆంధ్రప్రదేశ్‌, తెలంగాణ, కేరళ, తమిళనాడు మినహా ఇతర రాష్ట్రాల్లో రూ. 150తో 3డీ వెర్షన్ టిక్టెట్లను విక్రయించిన సంగతి తెలిసిందే. ఇప్పుడు అన్ని రాష్ట్రాలకు రూ. 112 ఆఫర్‌తో టికెట్లను విక్రయించనున్నట్లు చిత్రబృందం తెలియజేసింది. రామాయణ ఇతిహాసాన్ని 3డీ వెర్షన్లో అత్యధిక మంది చూడాలనే ఉద్దేశంతోనే ఈ నిర్ణయం తీసుకున్నట్టు చెప్పుకొచ్చింది. ఎడిటెడ్‌ వెర్షన్‌తో సినిమా ప్రదర్శితమవుతుందని మరోసారి గుర్తుచేసింది.
Adipurush dialogues : డైలాగ్స్లో మార్పులు.. ఇక ఈ చిత్రంలో కొన్ని సన్నివేశాలు, డైలాగులు.. మనోభావాలు దెబ్బతీసేలా ఉన్నాయని పలువురు విమర్శించారు. అలా సోషల్మీడియాలో వచ్చిన విమర్శలపై ఆ సినిమా డైలాగ్ రైటర్‌ మనోజ్ ముంతశిర్ శుక్లా కూడా స్పందించారు. ప్రేక్షకులకు క్షమాపణలు చెప్పి డైలాగ్లు కూడా మార్చారు. అభ్యంతరకరంగా ఉన్న వాటిని తొలగించి సినిమాను ఇటీవలే రీ-ఎడిట్ చేశారు.
Adipurush cast : రామాయణం ఆధారంగా దర్శకుడు ఓం రౌత్‌ ఈ చిత్రాన్ని భారీ స్థాయిలో తెరకెక్కించారు. ఈ సినిమా ఈ నెల 16న ప్రపంచ వ్యాప్తంగా గ్రాండ్గా రిలీజైంది. అయితే బాక్సాఫీస్ వద్ద సినిమా మిశ్రమ స్పందనను అందుకుంది. అయినా మంచి వసూళ్లను సాధించింది. చిత్రంలో రాఘవుడిగా ప్రభాస్‌.. జానకిగా కృతి సనన్‌ నటించింది. సైఫ్‌ అలీఖాన్‌ లంకేశ్‌గా కనిపించారు. ఇక ఈ సినిమాకి సంగీతం ప్ర‌ధాన‌బ‌లం. జై శ్రీరామ్‌, శివోహం, ప్రియ‌మిథునం పాట‌లు, వాటి విజువల్స్ సినిమాకి స్పెషల్ అట్రాక్షన్గా నిలిచాయి. అజ‌య్ - అతుల్‌ స‌మ‌కూర్చిన బాణీలు చాలా బాగున్నాయి. సంచిత్, అంకిత్ ద్వ‌యం నేప‌థ్య సంగీతం క‌ట్టిప‌డేసింది. కానీ సాగతీత సన్నివేశాలు, భావోద్వేగాలు కొర‌వ‌డ‌టం, కొన్ని పేలవ విజువల్స్ సినిమాపై బాగా ఎఫెక్ట్ చూపాయి.
అక్కడ నిఖిల్ను పట్టుకున్న పోలీసులు!.. ఆ తర్వాత..
నిఖిల్ హీరోగా నటించిన పాన్‌ ఇండియా చిత్రం యాక్షన్ థ్రిల్లర్ చిత్రం 'స్పై'. గ్యారీ బిహెచ్‌ దర్శకత్వం వహించాడు. ఐశ్వర్య మేనన్‌ కథానాయిక. స్వాతంత్ర్య సమరయోధుడు సుభాష్‌ చంద్రబోస్‌ మరణం వెనుక దాగిన రహస్యాల ఆధారంగా ఈ సినిమాను తెరకెక్కించారు. జూన్‌ 29న ఈ సినిమా ప్రేక్షకుల ముందుకు రానుంది. ఈ నేపథ్యంలో 'స్పై' గురించి పలు విశేషాలపై చిత్ర బృందంతో యాంకర్‌ సుమ ముచ్చటించింది. ఈ సందర్భంగా జోర్డాన్‌ పోలీసు స్టేషన్‌లో తమకు ఎదురైన అనుభవాన్ని 'స్పై' టీమ్ పంచుకుంది. పోలీసులు తమను పట్టుకున్నట్లు.. ఆ తర్వాత గూగుల్లో సెర్చ్ చేసి.. వదిలిపెట్టినట్లు తెలిపింది.
