టాలీవుడ్ స్టార్ హీరోయిన్ సమంత వరుస సినిమాలో బిజీగా ఉంది. ఇటీవలే మయోసైటిస్ వ్యాధి బారిన పడింది. అప్పటి నుంచి ఆమె ఫ్యాన్స్తో సోషల్మీడియా ద్వారా ఎక్కువగా టచ్లో ఉంటోంది. ఎప్పుటికప్పుడు హెల్త్, సినిమా అప్డేట్లు ఇస్తుంది. ఇటీవలే యశోద సినిమాతో హిట్ అందుకున్న ఈ బ్యూటీ.. త్వరలో శాకుంతలం సినిమాతో ప్రేక్షకుల ముందుకు రానుంది. ఇప్పటికే విడుదలైన ఈ సినిమా పాటలు, టీజర్, ట్రైలర్ సినిమాపై భారీగా అంచనాలు పెంచేశాయి.
ఇదిలా ఉంటే ఇటీవలే సామ్.. ఓ షూటింగ్లో గాయపడింది. ఆమె చేతికి గాయాలయ్యాయి. ఈ విషయాన్ని స్వయంగా ఆమెనే సోషల్మీడియా ద్వారా అభిమానులతో పంచుకుంది. అప్పుడు అభిమానులంతా ఆందోళన వ్యక్తం చేశారు. త్వరలో కోలుకోవాలని ఆకాంక్షించారు. తాజాగా సమంతకు ఆమె ఫ్యాన్ ఊహించని గిఫ్ట్ ఇచ్చింది. దెబ్బ తగిలిన సామ్ చేతులను అందంగా బొమ్మగా గీసింది. ఆ పెన్సిల్ ఆర్ట్ను సోషల్మీడియాలో షేర్ చేసింది.
"నేను మీ సక్సెస్‌కు మాత్రమే ఫ్యాన్‌ని కాదు.. మీ హార్డ్ వర్క్, కమిట్‌మెంట్, కైండ్ నెస్‌కి పెద్ద అభిమానిని. ఈ గిఫ్ట్ను 25 మిలియన్స్ రీచ్ అయినప్పుడు ఇవ్వాలనుకున్నాను. కానీ కుదరలేదు. అందుకే ఇప్పుడు ఇస్తున్నా.. ఇది మీకు నచ్చుతుంది అనుకుంటున్నా" అంటూ సామ్ లేడీ ఫ్యాన్ రాసుకొచ్చింది. అయితే ఈ పోస్ట్కు సమంత రియాక్ట్ అవుతూ థ్యాంక్యూ మై లవ్ అని రిప్లై ఇచ్చింది.
మయోసైటిస్ వ్యాధి బారిన పడి, కోలుకుంటున్న సమంత కొన్నాళ్ల విరామం అనంతరం చిత్రీకరణలతో మళ్లీ బిజీ అయ్యారు. సిటాడెల్‌ వెబ్‌సిరీస్‌ కోసం రంగంలోకి దిగారు. వెబ్సిరీస్లో ఆమె పాత్రలో ఒదిగిపోయేందుకు తగిన శిక్షణ తీసుకుంటారు. సమంత ఇటీవల నటించిన యశోద చిత్రానికి యానిక్‌ పనిచేశారు. సిటాడెల్‌ కోసం ఇప్పుడు మరోసారి కలిశారు. వరుణ్‌ ధావన్‌ కథానాయకుడిగా తెరకెక్కుతోన్న సిరీస్ ఇది. రాజ్‌- డీకే దర్శకత్వం వహిస్తున్నారు. మరోవైపు, ఖుషి సినిమా చిత్రీకరణలో సమంత ఈ నెలలో పాల్గొంటారని సమాచారం. విజయ్‌ దేవరకొండ హీరోగా దర్శకుడు శివ నిర్వాణ తెరకెక్కిస్తున్న చిత్రమిది.
సమంత ప్రధాన పాత్రలో గుణశేఖర్‌ రూపొందించిన శాకుంతలం చిత్రం ఏప్రిల్‌ 14న ప్రేక్షకుల ముందుకురానుంది. అందుకు మూవీ టీమ్తో సమంత.. హైదరాబాద్లోని పెద్దమ్మ తల్లి ఆలయాన్ని ఇటీవలే సందర్శించింది. అమ్మవారిని ప్రత్యేకంగా పూజించి.. సారె సమర్పించింది. ఆ సమయంలో సమంత చాలా క్యూట్గా ఉందని ఫ్యాన్స్ కామెంట్లు పెట్టారు.
