హీరో విజయ్​కి ఊరట.. రూ.7 లక్షలు చెల్లిస్తే చాలన్న కోర్టు!

నటుడు విజయ్​కు మద్రాసు హైకోర్టు ఊరట కల్పించింది. 2005లో ఆయన దిగుమతి చేసుకున్న బీఎండబ్ల్యూ కారు ఎంట్రీ ట్యాక్స్​.. రూ.7.68 లక్షలు చెల్లిస్తే చాలని ఆదేశించింది. అంతకుముందు, రూ.30 లక్షలకుపైగా పన్ను చెల్లించాలని తమిళనాడు వాణిజ్య శాఖ.. విజయ్​కి నోటీసులు జారీ చేసింది.

Hero Vijay BMW Car Entry Tax: కోలీవుడ్​ నటుడు విజయ్​కి మద్రాసు హైకోర్టులో ఊరట లభించింది. ఆయన అమెరికా నుంచి దిగుమతి చేసుకున్న బీఎండబ్ల్యూ కారుకు సంబంధించి ఎంట్రీ ట్యాక్స్ పిటిషన్​​పై తీర్పు వెలువడింది. కేవలం రూ.7.68 లక్షలను.. తమిళనాడు వాణిజ్య పన్నుల శాఖకు చెల్లిస్తే చాలని హైకోర్టు తెలిపింది.

ఇదీ జరిగింది..నటుడు విజయ్​ 2005లో రూ.63 లక్షలు వెచ్చించి అమెరికా నుంచి బీఎండబ్ల్యూ కారును దిగుమతి చేసుకున్నారు. ఆ సమయంలో విజయ్​ ఎంట్రీ ట్యాక్స్​ చెల్లించలేదు. దీంతో తమిళనాడు వాణిజ్య పన్నుల శాఖ..2005 నుంచి చెల్లించాల్సిన మొత్తానికి జరిమానా కలిపి రూ.30,23,609 చెల్లించాలని విజయ్​కు నోటీసులు జారీ చేసింది. దీంతో విజయ్​ మద్రాసు హైకోర్టును ఆశ్రయించారు.

ఈ పిటిషన్​పై కోర్టు శుక్రవారం విచారణ జరిగింది. విజయ్​కు ఉపశమనం కల్పించింది. కేవలం 2019 నుంచి 2022 వరకు మాత్రమే ఎంట్రీ ట్యాక్స్​ చెల్లించాలని ఆదేశించింది. 2005 సంవత్సరం నుంచి పన్ను చెల్లించాల్సిన అవసరం లేదని.. రూ.7,98,075 చెల్లిస్తే చాలని తెలిపింది.

ఇవీ చదవండి:సల్మాన్​ అలా అడిగితే నో చెప్పలేను: పాక్​ నటి