Vidyut Jammwal Birthday Latest Photo :బర్త్డే రోజు ఓ వినూత్నమైన పని చేసి వార్తలోకెక్కాడు బాలీవుడ్ స్టార్ హీరో విద్యుత్ జమ్వాల్. ప్రకృతి ఒడిలో సేదాతీరాలని వెళ్లిన ఆయన ఒంటిపైన నూలుపోగు లేకుండా ధ్యానం చేశారు. అంతే కాకుండా కాసేపు అలానే ఉండిపోయారు. ఆ ఫొటోలను తన అభిమానుల కోసం నెట్టింట అప్లోడ్ చేశారు. నన్ను నేను తెలుసుకోవడానికే ఇది చేస్తున్నాను అంటూ రాసుకొచ్చారు.
"హిమాలయ శ్రేణులకు నా తిరోగమనం. ఇది దైవ నివాసం. ఇక్కడికి రావడం 14 ఏళ్ల క్రితం ప్రారంభమైంది. నేను గ్రహించక ముందే ప్రతి సంవత్సరం 7-10 రోజులు హిమాలయాల్లో గడపడం తన జీవితంలో భాగమైంది. విలాసవంతమైన జీవితనం నుంచి అరణ్యంలోకి వస్తున్నప్పడు, నేను నా ఏకాంతాన్ని కునుక్కుంటాను. 'నేను ఎవరు కాదు' అని తెలుసుకునే ప్రాముఖ్యత గురించి తెలుకుంటాను. ఇతి నేను ఎవరు అని తెలుసుకోవడంలో మొదటి అడుగు. అలాగే ప్రకృతి అందించిన నిశ్శబ్ద విలాసాల్లో నన్ను నేను రక్షించుకుంటాను"
-- విద్యుత్ జమ్వాల్, బాలీవుడ్ నటుడు
విలాసవంతమైన జీవితం నుంచి అరణ్యానికి వచ్చినపుడు ఒంటరితనంలో తన గురించి తాను తెలుసుకునే అవకాశం దొరికిందని పోస్ట్లో విద్యుత్ జమ్వాల్ రాసుకొచ్చారు. కొద్దిరోజుల తర్వాత కొత్త అధ్యాయాన్ని ప్రారంభించడానికి ఇంటికి తిరిగి వస్తానని అన్నారు. ఏకాంతం అనేది అనూహ్యమైనదని అనుభవ పూర్వకంగా మాత్రమే తెలుస్తుందని విద్యుత్ పేర్కొన్నారు. అయితే విద్యుత్ షేర్ చేసిన ఫొటోలు చూసిన ఫ్యాన్స్ ఒక్కసారిగా షాకయ్యారు. ఈ ఫొటోలు సోషల్ మీడియాలో వైరల్గా మారడం వల్ల నెజిజన్లు వివిధ రకాలుగా స్పందిస్తున్నారు. రకరకాలుగా పోస్ట్లు చేస్తున్నారు.