తక్కువ సమయంలో మంచి ఫేమ్ సంపాదించకున్న నటుడు సత్యదేవ్కు పెళ్లైనా విషయం అందరికి తెలిసిందే. అయితే సినిమాల్లోకి రాకముందే ఆయనకు వివాహం జరిగింది. కానీ ఇంత వరకు తన కుటుంబాన్ని ఆయన ప్రేక్షకులకు పరిచయం చేయలేదు. రీసెంట్గా తాను హీరోగా నటించిన గుర్తుందా శీతాకాలం సినిమా మూవీ ప్రమోషన్‌ ఈవెంట్‌లో తన భార్యను పరిచయం చేశాడు సత్యదేవ్. అయితే తాజాగా తన కొడుకును కూడా పరియయం చేశాడు సత్యదేవ్. తన కొడుకు బర్త్డే సందర్భంగా ఫ్యామిలీ ఫొటోను షేర్ చేశాడు. ఆ ఫోటోలో సత్య దేవ్‌, అతడి భార్య దీపికా, కొడుకు సవర్ణిక్ ఉన్నారు.
"సవర్ణిక్ మూడో ఏడాదిలోకి అడుగుపెడుతున్నాడు నా ప్రేమకు పుట్టినరోజు శుభాకాంక్షలు" అని కొడుకుకు బర్త్డే విషెస్‌ తెలిపాడు సత్యదేవ్. ఈ ఫొటో ప్రస్తుతం సోషల్ మీడియాలో వైరల్గా మారింది. సత్య దేవ్‌ షేర్ చేసిన ఫోటోపై నెటిజన్లు ఆసక్తికర కామెంట్లు చేస్తున్నారు. కొడుకు చాలా క్యూట్‌గా ఉన్నాడంటూ కొందరు, మీ ప్యామిలీ చాలా అందంగా ఉందంటూ ఇంకొందరు, చూడముచ్చటైన జంట అంటూ మరికొందరు కామెంట్లు చేస్తున్నారు.