ఇటీవలే అనుమతి లేకుండా తన పేరు, ఇమేజ్, వాయిస్ను ఉపయోగించడాన్ని నిషేధించాలని డిమాండ్ చేస్తూ బాలీవుడ్‌ ప్రముఖ నటుడు అమితాబ్‌ బచ్చన్‌ దిల్లీ హైకోర్టులో సివిల్‌ దావా వేశారు. అయితే ఇదే తరహాలో ఇప్పుడు మరో అగ్ర హీరో తన వ్యక్తిగత హక్కుల విషయమై కోర్టును ఆశ్రయించారు. ఆయనే తమిళ సూపర్ స్టార్ రజనీకాంత్. తాజాగా ఈ విషయమై రజనీకాంత్ తరఫు న్యావవాది పబ్లిక్ నోటీసులు జారీ చేశారు. తమ అనుమతి లేకుండా పేరు, ఫొటోలు, వాయిస్ ఉపయోగిస్తే తగు చర్యలు తీసుకుంటామని అందులో పేర్కొన్నారు.
'అనుమతి లేకుండా ఆయన పేరు వాడితే స్ట్రిక్ట్ యాక్షన్'.. రజనీ లాయర్ పబ్లిక్ నోటీస్..!
తమ అనుమతి లేకుండా పేరు, ఫొటోలు, వాయిస్ ఉపయోగిస్తే కఠిన చర్యలు తీసుకుంటాంటూ సూపర్ స్టార్ రజనీకాంత్ తరఫు న్యావవాదీ పబ్లిక్ నోటీసు జారీ చేశారు. ఆయకున్న ఇమేజ్ను కొంతమంది వ్యక్తిగత ప్రయోజనాల కోసం ఉపయోగించుకుంటున్నారని వారిని కట్టడి చేసేందుకే ఇటువంటి చర్యలు తీసుకుంటున్నట్లు రజనీ లాయర్ స్పష్టం చేశారు.
actor rajinikanth
"సినీ ఇండస్ట్రీలో రజనీకాంత్ ఎన్నో భాషల్లో నటించారు. ఆయనకున్న ఇమేజే వేరు. కొన్ని సోషల్ మీడియా హ్యాండిల్స్తో పాటు పలు కంపెనీలు..రజనీ పేరు, వాయిస్, ఫొటోలతో పాటు ఆయన ఇమేజ్ను ఉపయోగిస్తున్నట్టు మా దృష్టికి వచ్చింది. ఆయా కంపెనీలు తమ ఉత్పత్తులను ప్రజల్లోకి తీసుకెళ్లేందుకు ఇదంతా చేస్తున్నట్లుగా గుర్తించాం. ఇకపై ఎవరైనా తమ వ్యక్తిగత, వ్యాపార అవసరాలు కోసం రజనీ వాయిస్ లేదా ఆయన ఇమేజ్ను ఉపయోగించినట్లు తెలిస్తే వారిపై నోటీసులు జారీ చేస్తాం." అని రజనీకాంత్ లాయర్ వెల్లడించారు.
కాగా సూపర్ స్టార్ ప్రస్తుతం నెల్సన్‌ దిలీప్‌కుమార్‌ తెరకెక్కిస్తున్న 'జైలర్‌' షూటింగ్‌లో బిజీగా ఉన్నారు. భారీ బడ్జెట్‌తో సన్ పిక్చర్స్ నిర్మిస్తున్న ఈ మూవీలో మల్లు సూపర్ స్టార్ మోహన్ లాల్తో పాటు కన్నడ సూపర్ స్టార్ శివరాజ్ కుమార్ కూడా గెస్ట్ రోల్లో సందడి చేయనున్నారు. మరో వైపు సునీల్, తమన్నా, వినాయకన్, వసంత్ రవి, రమ్యకృష్ణలు సినిమాలో కీలక పాత్ర పోషిస్తున్నారు.
Last Updated : Jan 29, 2023, 3:21 PM IST