Navdeep Injury : 'చందమామ','ఆర్య2','బాద్షా' లాంటి సినిమాలతో ప్రేక్షకులకు సుపరిచితులయ్యారు టాలీవుడ్ హీరో నవదీప్. తెలుగుతో పాటు తమిళంలోనూ మంచి గుర్తింపు పొందిన ఈ నటుడు హీరోతో పాటు సపోర్టింగ్ రోల్స్లోనూ మెరిశారు. ఇటీవలే 'న్యూసెన్స్' అనే సిరీస్తో టాలీవుడ్ ప్రేక్షకులను పలకరించారు. ప్రస్తుతం మాస్ మహారాజా లీడ్ రోల్లో తెరకెక్కుతున్న ఈగల్ సినిమాలో కీలక పాత్ర పోషిస్తున్నారు. అయితే ఇటీవలే ఆయన కాలు ఫ్రాక్చర్ అయ్యింది. ప్రస్తుతం ఆయన ఇంట్లోనే ఉంటూ విశ్రాంతి తీసుకుంటున్నారు. ఈ విషయాన్ని తన ఫ్రెండ్.. నటి తేజస్విని ఓ వీడియో ద్వారా తెలియజేసింది. ఇటీవలే ఆయన్ను పరామర్శించడానికి వచ్చిన తేజూ.. తనను ఆటపట్టిస్తూ ఓ రీల్ చేసింది. దాన్ని తన ఇన్స్టా అకౌంట్లో పోస్ట్ చేసింది. ప్రస్తుతం ఆ వీడియో సోషల్ మీడియాలో తెగ ట్రెండ్ అవుతోంది. దీన్ని చూసిన కొందరు 'గెట్ వెల్ సూన్' అంటూ కామెంట్లు పెడుతున్నారు. పలువురు స్టార్స్ సైతం ఈ పోస్ట్పై కామెంట్లు పెట్టారు.
నవదీప్ కాలుకు ఏమైంది? తేజస్విని ఎందుకు అలా చేసిందంటే..
Navdeep Injury : టాలీవుడ్ నటుడు నవదీప్ కాలికి గాయమైంది. ప్రస్తుతం ఆయన ఇంట్లోనే ఉంటూ విశ్రాంతి తీసుకుంటున్నాడు. ఈ క్రమంలో బిగ్బాస్ ఫేమ్ నటి తేజస్విని ఇన్స్టా వేదికగా ఓ వీడియో షేర్ చేసి ఈ విషయాన్ని తెలిపింది. అయితే ఆమె నవదీప్ను తెగ ఆటపట్టించింది. ఎందుకంటే ?
Navdeep Movies : ఇక నవదీప్ సినిమాల విషయానికి వస్తే.. 'జై' సినిమాతో హీరోగా తెలుగు తెరకు పరిచయమైన నవదీప్.. ఆ తర్వాత పలు సినిమాల్లో నటించి మంచి గుర్తింపు పొందారు. 'ఆర్య 2', 'బాద్ షా', 'అల వైకుంఠ పురంలో' లాంటి సినిమాల్లో నటించిన ఈ స్టార్.. తన యాక్టింగ్తో ప్రేక్షకులను మెప్పించారు. ఇక పలు సినిమాల్లో నెగిటివ్ షేడ్స్ ఉన్న పాత్రల్లో కనిపించారు. ఆ తర్వాత కొన్నేళ్ల పాటు బుల్లితెరలోనూ మెరిసిన ఈ స్టార్.. పలు షోల్లో జడ్జీగా.. ఇంకొన్నింటిలో పార్టిసిపెంట్గా వచ్చి టీవీ ఆడియెన్స్కు దగ్గరయ్యారు . ప్రస్తుతం ఓటీటీల్లో నటిస్తూ బిజీ బిజీగా ఉంటున్నారు.
దర్శకుడు రామ్గోపాల్ వర్మ తెరకెక్కించిన 'ఐస్క్రీమ్' సినిమాలో నవదీప్-తేజస్విని తొలిసారి స్క్రీన్ షేర్ చేసుకున్నారు.ఆ షూటింగ్ సమయంలో స్నేహితులుగా మారిన వీళ్లిద్దరూ.. సమయం దొరికినప్పుడల్లా అప్పుడప్పుడు కలుస్తూ సందడి చేస్తుంటారు. గతంలో ఒకసారి తేజు కాలికి గాయమైన సమయంలో నవదీప్ కూడా ఇలానే ఆమెను ఆటపట్టించాడట. దీంతో ఫ్యాన్స్ ఇది కామెడీతో కూడిన రివెంజ్ వీడియోలా ఉందే అంటూ సరదాగా కామెంట్లు పెడుతున్నారు.